| Azərbaycanca | English
Ana səhifə SAM haqqında Tədbirlər Media Nəşrlər Vakansiyalar Fotoqalereya Qarabağ

“Türkiyədə azərbaycanlıların tarixi, sosial, siyasi və mədəni fəaliyyətləri” adlı kitab nəşrə hazırlanır

2011-03-24 05:32:00

Azərbaycan Respublikasının Prezidenti yanında Strateji Araşdırmalar Mərkəzi(SAM) növbəti layihə üzərində iş aparır. Bu layihə "Türkiyədə azərbaycanlıların tarixi, sosial, siyasi və mədəni fəaliyyətləri” adlı kitabın nəşrə hazırlanmasından ibarətdir. Kitabda Türkiyədə yaşayan azərbaycanlıların siyasi, iqtisadi, hərbi, mədəni və sosial fəaliyyətlərinə dair ətraflı məlumatlar yer alacaqdır. Azərbaycan və Osmanlı türklərinin tarixən eyni coğrafi ərazidə yaşaması, Osmanlı ərazisində yaşayan soydaşlarımızın Türkiyənin tarixi müqəddəratında, dövlətçilik, siyasi və mədəni həyatında göstərdikləri xidmətlər əsərdə diqqətə çatdırılacaq əsas məqamlardandır. Layihə çərçivəsində kitabın hazırlanmasında əsas məqsəd iki dövlət, bir millətin müştərək tarixini təcrübəli müasir tarixçilər tərəfindən daha dərindən araşdırmaq, Türkiyə azərbaycanlıları haqqında geniş məlumatlar əldə etmək və bununla onların ümumi ideya altında birləşməsinə nail olmaqdır. Aparılan araşdırmalar göstərir ki, son zamanlar Türkiyə azərbaycanlılarının sayı artmaqdadır. Yeni nəsil Türkiyəli azərbaycanlılar müəyyən problemlərlə üzləşməkdədir. Əsər bu problemləri araşdırıb həlli yollarını tapmaqla Türkiyədə yaşayan soydaşlarımız üçün bir bələdçiyə çevriləcək.

Əsər üzərində işləyəcək sosioloq, tarixçi və siyasətşünaslar Türkiyədə yaşayan Azərbaycanlıların dərnəklərinə və çoxluq təşkil etdiyi ərazilərə baş çəkəcək, görüşlər təşkil edəcək, arxivləri araşdıracaq, azərbaycanlıların dini, sosial, mədəni, siyasi və iqtisadi fəaliyyətlərini öyrənəcəklər.

Qeyd edək ki, "Türkiyədə azərbaycanlıların tarixi, sosial, siyasi və mədəni fəaliyyətləri” adlı kitabın hazırlanmasının 2011-ci ildə başa çatdırılması planlaşdırılır.

Azərbaycan Respublikasının Prezidenti yanında Strateji Araşdırmalar Mərkəzi tərəfindən layihəyə məsul şəxs SAM-ın aparıcı elmi işçisi Cavid Vəliyevdir.

Əlavə məlumat üçün:

Tel: (012) 596 82 49

Elktron ünvan: Cavid.Veliyev@sam.gov.az



 

: 268