Türkiyəli aktrisa Melisa Aslı Pamukun yeni serialı bəlli olub. Axşam.az Türkiyə mətbuatına istinadən xəbər verir ki, aktrisa "Cənnət köyü" serialında baş rolu canlandıracaq. O, "Neva" obrazına həyat verəcək. <p>Qeyd edək ki, "Star" telekanalında yayımlanması planlaşdırılan ekran işində 3 bacı və ananın həyat hekayəsindən bəhs olunur. </p>
<strong>"Şou-proqramlara dəvət alırdım, aparıcılar məni sıradan bir müğənni kimi təqdim edirdilər. Demirəm ki, diva, dünya gözəli desinlər. Amma xanımı səhnəyə dəvət edərkən seçməlisiniz. Xanımlığını qoruyub saxlamayan qadınların yanında... Dünən şou-proqramlara dəvət alan qızların yanında "xanım" ifadəsi olmadan səhnəyə çıxmağı istəmirəm. Bunu bir aparıcı edirdi, sonradan düzəldi".</strong> Axşam.az xəbər verir ki, bu sözləri Xalq artisti Nisə Qasımova "Özəl" proqramında deyib. Müğənni səhnə fəaliyyətindən, özündən bəhs edib: <p>"Keçmişdə çox saf idim. Dilimə söyüş gəlməz, indiki kimi emosional danışmazdım. Hər şey elə bilirdim mən düşünən kimidir. Özümü necə tanıyırdımsa, insanları elə bilirdim. Göylərdə uçurdum. Amma illər keçdikcə, samballı yaş dövrünə gələndən sonra dəyişdim. O illərdəki kimi qalsaydım, mən elə belə olacaqdım".</p> <p>Anasından danışan N.Qasımova "Anam üçün bəzilərini bağışlamıram. Onun göz yaşlarına görə... Konsertdə çıxış edirdim. Evdə otururduq ki, indi mən çıxış edəcəm. Baxırdıq yoxdur, kəsib atıblar. Bunlara görə anam ağlayırdı" sözlərini əlavə edib.</p> <p><strong>N.Qasımova sosial şəbəkəyə az girdiyini deyib:</strong></p> <p>"Pandemiyada həm sosial şəbəkələrdə, həm məişət görüntüsündə çox şeyin şahidi oldum. Hər şeydən təmənna güdən dostlar gördüm. Baxırsan kimlərinsə sözlərinə, danışıqlarına içim nifrətlə doldu. İnstaqrama çox baxmamağa çalışıram. İnsanlar çox dəyişib. Deməsinlər ki, siz yaşadığınız dövr başqadır. Ölkənin inkişafı başqadır. İnsanlıq dəyişə bilməz. Kasıbçılıq, vəzifə, böyük sənət insanlığı dəyişməməlidir. Nə qədər adam olub ki, milyonu olub və bir gündə itirib. Sakit ömür yaşasam, heç nədən qormayacam".</p>
<p><strong>Gözaltı torbalar hər bir insanı narahat edən problemdir. Yaranmasına bir çox amillər səbəb olur. Ən çox isə yuxusuzluq gözaltı torbaları yaradır.</strong></p> <p>Axşam.az xarici KİV-ə istinadən xəbər verir ki, yorğun olmaq, çox kofeyin tərkibli qidalar yemək gözalti torbalar yaradır. </p> <p>Bəzi hallarda isə gözaltı torbaların, qaralığın səbəbi irsi olur. Səhhətinizdə hansısa bir problem buna gətirib çıxarar. </p> <p>Gözünüzün altına sərin kompres edin. Təmiz bir parçanı soyuq su ilə isladıb, göz altında saxlayın. </p> <p>Yatmazdan əvvəl maye qəbul etməyin. Qidanızdakı duzu azaldın. </p> <p>Siqaret çəkməyin, yetəri qədər yatın. Gün ərzində 7-9 saat yatmağa üstünlük verin. </p> <p>Başınızın altına çox hündür və çox alçaq olmayan yastıq qoyun. Alçaq yastıqdan uzaq olun. Bu bədəninizdəki mayenin göz ətrafında yığılmasına gətirib çıxaracaq. </p> <p>Allergiyanızı artıracaq vasitələrdən uzaq olun. Saç boyaları, sabunlar, kosmetik vasitələrinizdə sizə allergiya verən kimyəvi maddələrin olmamasına baxın. </p> <p>Çayı dəmləyib, gözünüzün altına kompres qoyun. çalışın kimyəvi qatqısı az olan çaydan istifadə edəsiniz. Çay paketini buzluqda dondurub istifadə etsəniz daha yaxşı olar.</p> <p>Xiyarı soyuducuda saxlayıb onunla da gözaltına maska edə bilərsiniz. Xiyar dilimini gözünüzün altına qoyub 20-30 dəqiqə saxlayın. </p> <p>Hər gecə yatmazdan əvvəl üzünüzü yuyun. Heç vaxt makiyajla yatmayın. C vitamini qəbulunu artırın. Portağal, qırmızı bibər, kələm, brokolli, çiyələk tərkibində C vitamini olan qidalardır. </p> <p>Dəmir əskikliyi də gözətrafı torbalara, qaralmalara səbəb olur. Dəniz məhsulları, qırmızı ət, lobya, ispanaq, quru üzüm, ərik qurusu, taxıl bitkilər yeyin. </p>
<p><strong>Orqanizmimiz daim baxım tələb edir. Bəzən üzümüzə qulluq edir, hansısa orqanı müalicə edirik. Amma ağız içinin də qulluğa ehtiyacı olduğunu bilirsiz? Son vaxtlar "Oil pulling" (yağlı pilinq) deyilən yeni bir üsul dəb olub.</strong></p> <p>Axşam.az xarici KİV-ə istinadən xəbər verir ki, daha çox Hindistanda dəbdə olan bu yağ çəkmək adəti "ayurveda"dır. </p> <p>Prosedur zamanı küncüd, Hindistan yağı və zeytun yağından istifadə edilir. Bəzən isə bir çox digər bitki yağları ilə edilir. Bu, ağıza edilir. </p> <p>Hər yağdan 1 çay qaşığı götürüb, qarışdırın. Yağlar ağıza alınır, bir az saxlanılır. 5 dəqiqə qarqara edin, amma yağın boğaza doğru getməməsinə çalışın. Daha sonra yağ udulmamalıdır. Bu müalicə ağızdakı bakteriyaları təmizləyir, diş əti xəstəliklərini sağaldır, ağız qoxusunu aradan qaldırır. Ondan 30 dəqiqə sonra heç nə yeməyin. </p> <p>Proseduru səhər acqarnına 5-15 dəqiqə arasında edilməlidir.</p>
<strong>"Hər işdə tərif də, tənqid də olur. Buna hazır idim. Hər kəs məni bəyənə bilməz. Amma yaxşı çoxdur deyə, pisin üstünü örtüb heç ona fikir vermirəm".</strong> <p>Axşam.az xəbər verir ki, bu barədə müğənni Samirə Əfəndi lent.az-a açıqlamasında deyib. O bildirib ki, sənət adamlarının bir çoxunun tənqidini qəbul etmir:</p> <p>"Əgər tənqid müğənnilər tərəfindən gəlirsə, baxır o hansı müğənnidir, hansı stajdadır, kim onu deyir, hansı vəziyyətdə və tərzdə deyir. Müğənni deyib, amma həqiqətəndə bu sahədən başı çıxmayan insanlar deyirlərsə, üstdən keçirəm".</p> <p><strong>Samirə Nigar Camalın onu tənqid etməsi ilə bağlı sualı cavablandırmaq istəməyib:</strong></p> <p>"Bu sualı atlayaq. Eşitməmiş olum, siz də sualı verməmiş. Mənə önəmlidir insanın statusu, stajı, bu sənətdə qoyduğu illəri, vaxtı, zamanı təcrübəsi, o insandan nə öyrənə biləcəyəm, onda hə... Məsələn, Tünzalə Ağayeva. Heç məni tanımırdılar, amma Tünzalə xanım mənim haqqımda bilirdi. Onun yanında öyrənirdim. Hə, o mənə desə, deməli, nəsə var ki, deyir. Çünki elə-belədən söz deyən adam deyil". </p> <p><strong>O, Azərbaycanın dünyanın hər yerində tanınan müğənnisi olaraq yeganə Üzeyir Mehdizadənin adını çəkib: </strong></p> <p>"Onu hər yerdə tanıyırlar. O insanı heç vaxt canlı görməmişəm. Amma görüşüb onunla söhbət etmək istərdim ki, bunun sirri nədədir. Ona uğurlar arzu edirəm. Qazaxıstanda, Türkiyədə, bütün Asiya ölkələrində Üzeyir Mehdizadəni dəhşətli dərəcədə sevirlər. Qız fanatları da çoxdur". </p> <p><strong>Samirə </strong><strong>2011-ci ildə 1-ci yer qazanan "Eurovision" mahnısı "Running scared" ilə özünün səsləndirdiyi və 20-ci yer tutan "Mata Hari"ni müqayisə edib:</strong></p> <p>"Burada söhbət tək mahnıdan getmir. 2011-ci ilin mahnısı nə zaman Türkiyədə səsləndirilib? Heç vaxt. Bircə Avroviziya vaxtı, final günü. Mənim mahnım isə Türkiyəni partladır. Hər gün bizə klublardan, partilərdən, restoranlardan zənglər gəlir, hər yerdə "Mata Hari" səslənir. Bəs, 2011-ci ildəki mahnı? Mən eşitmədim".</p>
<p><strong>Baş Dövlət Yol Polisi (DYP) İdarəsi məktəblərin açılması ilə bağlı yol hərəkəti iştirakçılarına müraciət edib.</strong></p> <p>Axşam.az xəbər verir ki, məlumatda deyilir:</p> <p>"Sabahdan etibarən orta məktəblərdə ibtidai siniflər üçün əyani tədrisin başlanması küçə və prospektlərdə, xüsusilə də orta təhsil müəssisələrinin yerləşdiyi ərazilərdə nəqliyyat vasitələrinin və piyadaların hərəkət intensivliyinin artmasına səbəb olacaq.</p> <p>Bunları nəzərə alaraq, bütün sürücülərdən xahiş edirik ki, yol hərəkəti qaydalarına ciddi riayət etsinlər, əsasən də fərdi nəqliyyat vasitələri ilə şagirdləri məktəbə aparan sürücülər dayanma-durma qaydalarını pozmamaqla avtomobillərini icazə verilən ərazilərdə saxlasınlar ki, digər hərəkət iştirakçılarının rahat və fasiləsiz hərəkətinə maneçilik yaratmasınlar.</p> <p>Eyni zamanda piyadalara səki ilə hərəkət etməklə avtomobil yollarına çıxmamağı və hərəkət hissəsini piyada keçidləri ilə keçməyi, valideynlərə isə azyaşlı uşaqları nəzarətsiz qoymamağı tövsiyə edirik".</p>
<p><strong>Xəbər verdiyimiz kimi, "Fəryad" filminin ikinci hissəsi çəkilir.</strong></p> <p>Axşam.az xəbər verir ki, bir neçə ay əvvəl çəkilişləri başlayan ekran işində aktrisa Sevinc Əliyeva da rol alıb.</p> <p>Bu haqda Sevinc sosial şəbəkədə paylaşım edib. O bildirib ki, filmin çəkilişlərinin bir hissəsi bitib, hazırda növbəti hissəyə başlanılıb.</p> <p>Qeyd edək ki, Xalq artisti Vaqif Mustafayevin rejissorluq etdiyi "Fəryad 2"də Sevinclə yanaşı Hikmət Rəhimov, Taleh Yüzbəyov və başqaları çəkilir.</p> <div class="site-left-rub-bosluq_orta"> </div> <a target='_blank' href='https://cdn.azerforum.com/2021/09/21/3509024.jpg'><img class="glr" src="https://cdn.azerforum.com/2021/09/21/3509024.jpg" /></a> <a target='_blank' href='https://cdn.azerforum.com/2021/09/21/3509026.jpg'><img class="glr" src="https://cdn.azerforum.com/2021/09/21/3509026.jpg" /></a> <a target='_blank' href='https://cdn.azerforum.com/2021/09/21/3509027.jpg'><img class="glr" src="https://cdn.azerforum.com/2021/09/21/3509027.jpg" /></a> <a target='_blank' href='https://cdn.azerforum.com/2021/09/21/3509028.jpg'><img class="glr" src="https://cdn.azerforum.com/2021/09/21/3509028.jpg" /></a>
<strong>"Survivor 2020" yarışmasında iştirak edən futbolçu Sercan Yıldırım evlilik yolunda ilk addımını atıb.</strong> <p>Axşam.az Türkiyə mətbuatına istinadən xəbər verir ki, futbolçu sevgilisi Nihan Yönelin evinə elçi gedib. </p> <p>Nişanlanan cütlüyün xoş gününüdən fotolar sosial şəbəkədə yayılıb.<img class="clr" alt="" src="../img/pics/large/2021-09/229623_gjfmp14qar.jpg" align="baseline"/></p> <p><img class="clr" alt="" src="../img/pics/large/2021-09/229624_fmxdidzykm.jpg" align="baseline"/></p> <p><img class="clr" alt="" src="../img/pics/large/2021-09/229625_rcsjfkb8vy.jpg" align="baseline"/></p>
<strong>Müğənni Səyyad Əlizadənin həyat yoldaşı Kəmalə Əlizadə xəstəxanadan evə buraxılıb.</strong> <p>Bu haqda Axşam.az-a açıqlamasında sənətçinin oğlu Atabəy deyib. O bildirib ki, anası evə buraxılsa da karantindədir:</p> <p>"Hələ onu görməmişəm, ayrı qalır. Koronavirus olduğu üçün karantini davam edir. Atamın isə səhhəti olduğu kimidir. Bir irəliləyiş yoxdur".</p> <p>Qeyd edək ki, S.Əlizadə koronavirus infeksiyasına yoluxub. Sənətçi əvvəlcə Zığda modul tipli xəstəxanaya yerləşdirilib. Daha sonra ifaçı Mərkəzi Gömrük Hospitalına yerləşdirilib. S.Əlizadə sünii komaya salınıb. O, sünii nəfəs aparatına qoşulub.</p>
<strong>"Xasiyyətcə, enerji baxımından fərqliyik. Sənət bizi birləşdirsə də, xasiyyətcə başqayıq. Onun fikirlərinə, qərarlarına çalışıram sağlam yanaşım, anlayım, qəbul edim. Bir ana kimi bunu qəbul etmək çətindir".</strong> <p>Axşam.az xəbər verir ki, bu sözləri Xalq artisti Aygün Kazımova "Söhbət musiqidən gedir" verilişində deyib. O, qızı, müğənni İlqarə Kazımovdan danışıb:</p> <p>"Çətindir öz övladının xasiyyətini, səndə olmayan baxışını qəbul etmək. Səhv addım atsa... Atsın, mənim də olub. Onlar sayəsində möhkəmlənmişəm. Bir ana kimi onu qəbul etmək çətindir. Amma kənardan baxanda düşünürəm öz həyatıdır. Bu gün varam, sabah olmaya bilərəm. Bir ana kimi onu çalışıram problemlərdən çıxarım. Amma səhv edirəm. Gərək özü üzləşsin, çalışıb çıxsın çətinliklərdən. Əvvəl heç bacarmırdım, indi çalışıram özü üçün onu baş-başa qoyum".</p> <p><strong>Kazımova bildirib ki, qızının ailə qurmasını, tezliklə nən olmasını arzuladığını söyləyib:</strong></p> <p>"Qızımı çox erkən yaşda dünyaya gətirmişəm. İstəyərdim gənc nənə olum. Əslində mən 10-15 il bundan əvvəl nənə ola bilərdim. Qızımın öz taleyi, alın yazısı var. Dedim, öz həyatını yaşasın. Təkid etmirəm, dünyasını pozmaq istəmirəm. Öz həyatıdır... Yanımda olmasa da olar, əsas xoşbəxt olsun".</p>
<p><strong>"Bu şəhərdə"nin aktyorları, Əməkdar artistlər Rafael İsgəndərov və Coşqun Rəhimov yeni mövsümdən ATV kanalında aparıcılıq edəcəklər.</strong></p> <p>Telekanaldan Axşam.az-a verilən məlumata görə, proqramın adı "Bu şəhərdə 2050" olacaq. Bununla yanaşı onların efirdə yayımlanan və yayımlanmayan konsertlərindən görüntülər də telekanalda yer alacaq.</p> <p>Eyni zamanda kanalda "Bu şəhərdə"nin ikinci layihəsi də yer alacaq. Hazırda bununla bağlı danışıqlar aparılır.</p>
<p><strong>Festivalda səhnəyə çıxan müğənni Buray gözlənilməz vəziyyətlə qarşılaşıb.</strong></p> <p>Axşam.az türk mediasına istinadən xəbər verir ki, ifaçının 12 min lirə (2 min 344 manat) dəyərində sazı oğurlanıb. Hadisənin sıxlıq səbəbindən tamaşaçıların səhnəyə çıxdığı vaxt yaşandığı bildirilir. Polis məsələ ilə bağlı araşdırmaya başlayıb. </p>
<strong>Aparıcı Hüsniyə Məhərrəmova uzun fasilədən sonra efirə qayıdır. </strong> Axşam.az xəbər verir ki, o, yeni mövsümdən "Space" telekanalında çalışacaq. <p>Belə ki, kanalda Türkiyədə məşhur olan "40 soru" layihəsinin bənzəri hazırlanır. Onun aparıcılığı əvvəlcə aktrisa Zümrüd Qasımovaya təklif edilib. O, "Xəzər TV"də çalışdığı üçün layihədən imtina edib. </p> <p>Sözügedən veriliş üçün bu dəfə Hüsniyə Məhərrəmova seçilib.</p> <p>Qeyd edək ki, H.Məhərrəmova sonuncu dəfə "1 AzTV" proqramına aparıcılıq edib.</p>
<p><strong>Dünyanın məşhur modelyerləri hər zaman həftənin ilk iş günü seçdiyiniz geyimin önəmli olduğunu bildirir. Çünki həftənin ilk günü əhvalınız, özünüzə güvəniniz yüksək olmalıdır. Beləcə, siz həftəboyu daha uğurlu işlərə imza ata biləcəksiniz. Necə deyərlər, həftəyə necə başlasanız, eləcə də bitirəcəksiniz.</strong></p> <p>Axşam.az xarici KİV-ə istinadən xəbər verir ki, modelyerlər bazarertəsi üçün bir neçə tərz məsləhət görür. Onlar aşağıdakılardır.</p> <p>İngiltərədə alimlər araşdırma apararkən müəyyən ediblər ki, qadınlar bazar ertəsi güzgü qarşısında 38 dəqiqə vaxt keçirir. Çərşənbə axşamı bu vaxt 32-yə, çərşənbə günü 30-a düşür. </p> <p><strong>Həftənin ilk iş günü</strong> bir az rahat, bir az da şık kombin seçməlisiniz. Paltarın rəngli olmasına üstünlük verin. Bu, qısa ətək, üstünə adi kofta ola bilər. Ya da cins şalvar, boş köynəklə həftəyə başlaya bilərsiniz. Əgər don geyinmək istəyirsinizsə, çalışın çox uzun olmasın. Ayağınıza isə çox hündür ayaqqabı seçməyin. Dabanı az olan bir klassik ayaqqabı kombininizi tamamlayacaq. Əgər sizin iş həyatınız imkan verirsə, bunu altıüz idman ayaqqabısı ilə də tamamlaya bilərsiniz. Bu günün rəngləri bej, ağ, qara, krem rəngi, mavi və bozdur.</p> <p><strong>Çərşənbə axşamı</strong> artıq rahatlığınıza fikir verməyin. Bu günü enli bir şalvar, üzərinə klassik köynək seçə bilərsiniz. Uzun ətək və üstündə boş kofta da sizi dəbli göstərəcək. çalışın hündürdaban ayaqqabı seçin. Bu günün rəngləri isə mavi, boz, yaşıl, bej, qızılı və ağdır. </p> <p><strong>Çərşənbə günü</strong> uzun don geyinin. Bu gün siz ayaqqabı seçimində sərbəstiniz. İstəyən hündürdaban, istəyən idman tərzinə üstünlük verə bilər. Bu günün önəmli rəngi yaşıldır. Eyni zamanda göy, qızılı, sarı da geyiminizdə seçə bilərsiniz.</p> <p>Cümə axşamı daha çox aksessuara üstünlük verin. Sadə bir don geyinib tərzinizi böyük kəmərlə tamamlaya bilərsiniz. Bu günü bənövşəyi, mavi, çəhrayı rənglər seçin.</p> <p><strong>Cümə</strong> günü daha çox rahat geyim seçin. Bütün həftəboyu yığdığınız yorğunluq bu gün sizi daha çox narahat edəcək. Ona görə də dar olmayan don, şalvar, kofta seçə bilərsiniz. Qırmızı, çəhrayı, sarı, bej və digər parıldayan rənglər seçin. </p>
Yeni növ koronavirusa (COVİD-19) yoluxan müğənni Səyyad Əlizadənin vəziyyətində müsbət dəyişiklik yoxdur. Axşam.az xəbər verir ki, bu barədə APA-ya müğənninin qohumu Razim Qarayev məlumat verib. <p>O bildirib ki, süni tənəffüs aparatına qoşulan müğənninin vəziyyəti ağırdır:</p> <p>"Hələ ki, Səyyad bəyin səhhətində heç bir müsbət dəyişiklik yoxdur. Vəziyyəti ağır olaraq qalır. Həkimlər əllərindən gələni edir".</p> <p>Qeyd edək ki, koronavirusa yoluxan Səyyad Əlizadə bir neçə gün öncə Mərkəzi Gömrük hospitalına yerləşdirilib.</p>
<strong>"Çukur" serialında Ayşə obrazını canlandıran türkiyəli aktrisa İrem Altuğ ötən gün İstanbulda 2 kişi ilə birlikdə görüntülənib.</strong> <p>Axşam.az Türkiyə mətbuatına istinadən xəbər verir ki, şəkillərinin çəkildiyini görən aktrisa onların kim olduğunu açıqlamaq məcburiyyətində qalıb:</p> <p>"Bu keçmiş, bu isə indiki həyat yoldaşımdır. Birlikdə yaşayırıq, böyük ailəyik. Ərimin biri Afrikada, digəri isə Amerikada yaşayır".</p> <p><iframe src="https://www.youtube.com/embed/9PaL4g3JPtg" width="735" height="430" /></iframe></p>
<strong>Üz dərimiz daim qulluq tələb edir. Baxımsız qalan dəri elastikliyi və təravətini itirir, tez qırışır.</strong> <p>Axşam.az xəbər verir ki, üz qulluğu təkcə kosmetoloqlara gedib, bahalı prosedurlar etməkdən ibarət deyil. Xanımlar mətbəxdə əllərində olan vasitəlrələ üzlərini daim təravətli saxlaya bilərlər. </p> <p>Üz üçün ən xeyirli vasitələrdən biri buzdur. Buzları aşağıdakı kimi hazırlaya bilərsiniz:</p> <p>Gül suyu və ləçəklərini ilıq suya töküb, ağzını örtüb bir az saxlayın. Sonra buz qabına töküb, soyuducuya qoyun.</p> <p>Çobanyastığı çiçəyini dəmləyib, buzluqda balaca buzlar hazırlayın.</p> <p>Üz dərisinə yaxşı təsir edən vasitələrdən biri də yaşıl çaydır. Dəmlənmiş yaşıl çayı buzduqda dondurun.</p> <p>Digər bir vasitə isə düyü suyudur. Plov dəmləyərkən düyünü qaynatdığınız suyu atmayın. Ondan balaca buzlar hazırlayın. </p> <p>Bu bzularla səhər yuxudan oyananda və axşam yatmazdan əvvəl üzünüzü massaj edin. Dəriniz bərkiyəcək, sallanmaların qarşısı alınacaq, botoks effeki yaranacaq. </p>
<strong>Son günlər şou-biznesin bir çox nümayəndəsinin xaricə köçmə xəbərləri daha da çoxalıb. Onlar arasında isə "Eurovision" təmsilçiləri çoxluq təşkil edir.</strong> <p>Axşam.az "Eurovision"a qatıldıqdan sonra sənətdən uzaqlaşan və ya ölkədən köçənləri təqdim edir:</p> <p><strong>Müğənni Safurə Əlizadə</strong> 2010-cu ildə yarışmada Azərbaycanı "Drip drop" mahnısı ilə təmsil edib və beşinci yeri tutub. Sənətçi daha sonra mərhum energetika naziri Natiq Əliyevin oğlu Fərhad Əliyevlə ailə quraraq Türkiyəyə köçüb. Üç övlad anası olan Safurə İstanbulda yaşayır.</p> <p><img class="clr" alt="" src="../img/pics/large/2021-09/229457_4olp29d7l7.jpg" align="baseline"/></p> <p><strong>Müğənni Fərid Məmmədov</strong> Azərbaycanı sözügedən yarışmada 2013-cü ildə "Hold Me" mahnısı ilə təmsil edib. Fərid ikinci yeri tutub. Yarışmadan qayıdandan bir müddət sonra o, ailə qurub. Daha sonra isə Fərid ABŞ-a köçüb. O, hazırda xanımı və övladı ilə birlikdə Amerikada yaşayır və müğənnilikdən uzaqlaşıb.</p> <p><img class="clr" alt="" src="../img/pics/large/2021-09/229458_iiusj5wzrg.jpg" align="baseline"/></p> <p><strong>Əməkdar artist Səbinə Babayeva</strong> da bu il Rusiyaya köçüb. O, Moskvada çalışır və yaşayır. Səbinə 2012-ci ildə "eurovision"a qatılıb və ölkəmizi "When the Music Dies" mahnısı ilə təmsil edib. O, yarışmada dördüncü yerdə qərarlaşıb. </p> <p><img class="clr" alt="" src="../img/pics/large/2021-09/229462_ru27t7lexu.jpg" align="baseline"/></p> <p><strong>Müğənni Elnur Hüseynov</strong> Azərbaycanı ilk dəfə "Eurovision"da təmsil edən olub. O, həmkarı Samir Cavadzadə ilə birlikdə 2008-ci ildə "Day After Day" yarışa qatılıb və səkkizinci olub. Elnur daha sonra 2015-ci ildə yenidən sözügedən beynəlxalq musiqi yarışmasına gedib və "Hour Of The Wolf" mahnısıyla 12-ci olub. Daha sonra ifaçı Türkiyəyə köçüb. Elnur hazırda İzmirdə yaşayır.</p> <p><img class="clr" alt="" src="../img/pics/large/2021-09/229464_w6mrgm6zy9.jpg" align="baseline"/></p> <p><strong>Samir Cavadzadə</strong> də hazırda ölkədən köçüb. O, bir müddətdir Rusiyada Moskva şəhərində yaşayır.</p> <p><img class="clr" alt="" src="../img/pics/large/2021-09/229465_w8zvlt3jez.jpg" align="baseline"/></p> <p>"Eurovision" təmsilçiləri arasında <strong>müğənni Çingiz Mustafayev</strong> də yer alıb. O, 2019-cu ildə Azərbaycanı Tel-Əviv şəhərində keçirilən "Eurovision"da "Truth" mahnısı ilə təmsil edib və səkkizinci olub. Çingiz ötən il Rusiyaya köçüb və fəaliyyətini orada davam etdirir.</p> <p><img class="clr" alt="" src="../img/pics/large/2021-09/229466_o7ojdcljam.jpg" align="baseline"/></p> <p>2011-ci ildə "Eurovision"da birinci olan<strong> müğənni Nigar Camal</strong> müsabiqədən sonra övladları ilə Londonda yaşayıb. O, hazırda İngiltərəyə tez-tez gedib-gəlir.</p> <p><img class="clr" alt="" src="../img/pics/large/2021-09/229467_j98jxvz8of.jpg" align="baseline"/></p> <p>2021-ci ildə Azərbaycanlı "Eurovision"da təmsil edən <strong>Samirə Əfəndi</strong> də ölkədən köçmək qərarı alıb. O, bu günlərdə açıqlama verərək Türkiyəyə getdiyini deyib. Samirə oradan yaxşı təklif aldığını və İstanbulda evi olduğunu bildirib. O, yarışmada "Mata Hari" mahnısını oxumuşdu.</p> <p><img class="clr" alt="" src="../img/pics/large/2021-09/229468_hq1ygs007q.jpg" align="baseline"/></p>
<p><strong>1980-ci illərin şaxmat üzrə çempionu, "Şahmat Oskar"ın ilk sahibi Nona Qaprindaşvili "Netflix"i məhkəməyə verib.</strong></p> <p>Axşam.az xarici KİV-ə istinadən xəbər verir ki, buna səbəb "Ход королевы" serialı olub. O, ekran işinin yaradıcılarından 5 000 000 dollar tələb edir.</p> <p>O bildirib ki, proyektdə onunla bağlı bir çox səhvlərə yol verilib. Serialın bir epozodunda vurğulanıb ki, Nona heç vaxt kişilərlə şahmat oynamayıb. O isə fəaliyyəti dövründə 59 kişiylə yarışdığını açıqlayıb.</p> <p>Qaprindaşvilinin vəkili açıqlama yayaraq bildirib ki, "Netflix" bunu qəsdən edib. Onların bu addımı cəzasız qalmayacaq. </p> <p>"Netflix" rəsmiləri bildirib ki, Nanoya hörmətlə yanaşır, onun vəkilinin iddiası əsassızdır. </p>
<strong>Rejissor Aqil M.Quliyev də bu mövsüm aparıcılıq edəcək.</strong> <p>Axşam.az xəbər verir ki, rejissor "Xəzər TV" ilə işbirliyinə başlayıb.</p> <p>Onun proqramı "Cinayət və cəza" adlanır. Aqil.M.Quliyev cinyyət hadisələrindən bəhs edəcək.</p> <p>Qeyd edək ki, Aqillə yanaşı bu mövsüm Əməkdar artist Sənubər İsgəndərli də sözügedən kanalda aparıcılıq edəcək.</p>
<p><strong>AzTV-nin aparıcısı, uzun illərdir efirdən uzaqlaşan Ceyran Rəhimovanın ad günü olub.</strong></p> <p>Axşam.az xəbər verir ki, o, özəl gününü yaxınları ilə qeyd edib. Ad günündən şəkilləri Xalq artisti Nəzakət Teymurova sosial şəbəkədə paylaşıb. </p> <p>Qeyd edək ki, C.Rəhimova AzTV-dən uzaqlaşdıqdan sonra televiziya fəaliyyətinə son qoyub.</p> <div class="site-left-rub-bosluq_orta"> </div> <a target='_blank' href='https://cdn.azerforum.com/2021/09/18/3469197.jpg'><img class="glr" src="https://cdn.azerforum.com/2021/09/18/3469197.jpg" /></a> <a target='_blank' href='https://cdn.azerforum.com/2021/09/18/3469199.jpg'><img class="glr" src="https://cdn.azerforum.com/2021/09/18/3469199.jpg" /></a> <a target='_blank' href='https://cdn.azerforum.com/2021/09/18/3469200.jpg'><img class="glr" src="https://cdn.azerforum.com/2021/09/18/3469200.jpg" /></a> <a target='_blank' href='https://cdn.azerforum.com/2021/09/18/3469201.jpg'><img class="glr" src="https://cdn.azerforum.com/2021/09/18/3469201.jpg" /></a>
