Görən necə çatacaq , soraq ƏHMƏD OĞUZA

Şair dostum Əhməd Oğuza

 

Yolunu daşdı gördü,

Gözünü yaşdı gördü,

Gözü qamaşdı, gördü

dünyanı Əhməd Oğuz.

 

Görən necə çatacaq

soraq Əhməd Oğuza.

Şeirləri olacaq

çıraq Əhməd Oğuza.

 

Dürsüt sözə vəl dedi.

Baxdı, əlbəəl dedi...

Tasalandı,

“Gəl...” dedi

torpaq Əhməd Oğuza.

 

Göyün gözü dolacaq,

Ayın rəngi solacaq...

Xəyalımız olacaq

varaq Əhməd Oğuza.

 

Toz qopur yolda, izdə,

Taqət də yoxdu dizdə...

Vaxtı nə vaxtdı,             

biz də

varaq Əhməd Oğuza.

 

Ulduzlar saçaq-saçaq,

Dərdi qundaqlayacaq...

Bir qınaq yollayacaq

“Bulaq” Əhməd Oğuza...

 

Yenə bizim şeirlər,

Tər nərgizim – şeirlər...

Düzüm-düzüm şeirlər,

Bəs hanı Əhməd Oğuz?..

Rəşid Faxralı 

 1sentyabr 2021

Mənbə:
0
1153
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar