<div class="panel-body" news_text"> <p><strong>“Azərbaycan xalqı öz kökünə, tarixinə, dilinə və ənənələrinə olduqca bağlı bir xalqdır. Mən dahi Azərbaycan şairi Nizami Gəncəvinin 880 illik yubileyi münasibətilə bu ili “Nizami Gəncəvi İli” elan etmişəm”.</strong></p> <p>“Qafqazinfo” xəbər verir ki, bunu BMT Baş Assambleyasının 76-cı sessiyasının dövlət və hökumət başçıları səviyyəsində keçirilən illik ümumi müzakirələrində çıxışı zamanı Prezident İlham Əliyev deyib.</p> <p>Dövlət başçısı bildirib ki, XII əsrdə Nizami Gəncəvinin öz əsərlərində təbliğ etdiyi sülh, ədalət, humanizm, azadlıq və bərabərlik kimi ideal və dəyərlər BMT-nin təşviq və müdafiə etdiyi prinsiplərlə üst-üstə düşür:</p> <p>“Biz Azərbaycanda multikulturalizmi bir həyat tərzi olaraq qoruyur və dəstəkləyirik. Azərbaycan dünyada tolerantlığın, müxtəlif dini və etnik qrupların nümayəndələrinin dinc birgəyaşayışının nümunəsi sayılır.</p> <p>2008-ci ildə Azərbaycanın təşəbbüsü ilə başlanılmış və müsəlman dünyası ilə Avropa arasında dialoq və əməkdaşlığın gücləndirilməsi məqsədini daşıyan “Bakı Prosesi” BMT tərəfindən güclü şəkildə dəstəklənir.</p> <p>BMT Baş Assambleyasının qətnamələrində Azərbaycanda müntəzəm olaraq təşkil olunan Mədəniyyətlərarası Dialoq üzrə Ümumdünya Forumu “mədəniyyətlərarası dialoqun təşviqi üçün mühüm qlobal platforma” olaraq tanınır.</p> <p>Xanımlar və cənablar.</p> <p>Ötən ilin sentyabrında BMT Baş Assambleyasındakı çıxışım zamanı mən sizin diqqətinizi Azərbaycan ərazilərinin Ermənistan tərəfindən işğalının davam etməsinə və Ermənistan hökumətinin təcavüzkar bəyanatlarına və hərəkətlərinə yönəltdim. Bu gün qurur hissi ilə deyirəm ki, Ermənistan döyüş meydanında məğlub edildi və Azərbaycan işğala son qoydu”.</p> <div> </div> <div> </div> <div></div></div>
<div class="panel-body" news_text"> <p><strong>Koronavirusa yoluxan tanınmış jurnalist Elnur Əşrəfoğlunun vəziyyəti ağır-stabil olaraq qalır.</strong></p> <p>Bu barədə "Qafqazinfo"ya “Yeni Klinika”dan bildirilib. </p> <p>Qeyd edilib ki, onun vəziyyətində dəyişiklik yoxdur.</p> <p> </p> <div> </div> <div> </div> <div></div></div>
<div class="panel-body" news_text"> <p><strong>“Azərbaycan pandemiyanın öhdəsindən gəlmək üçün daha güclü qlobal həmrəyliyin tərəfdarıdır”.</strong></p> <p>“Qafqazinfo” xəbər verir ki, bunu BMT Baş Assambleyasının 76-cı sessiyasının dövlət və hökumət başçıları səviyyəsində keçirilən illik ümumi müzakirələrində çıxışı zamanı Prezident İlham Əliyev deyib.</p> <p>Prezident bildirib ki, Qoşulmama Hərəkatının sədri qismində Azərbaycan bir sıra qlobal təşəbbüslər irəli sürüb:</p> <p>“2020-ci ilin may ayında Azərbaycan Qoşulmama Hərəkatının Təmas Qrupu ölkələrinin COVID-19 ilə mübarizəyə həsr edilmiş Zirvə toplantısını təşkil etmişdir.</p> <p>Zirvə toplantısı zamanı mən Qoşulmama Hərəkatı adından BMT Baş Assambleyasının dövlət və hökumət başçıları səviyyəsində koronavirusla mübarizəyə həsr edilmiş xüsusi sessiyasının keçirilməsini təklif etdim.</p> <p>Həmin təşəbbüs BMT-yə üzv olan 150-dən artıq dövlət tərəfindən dəstəkləndi və 2020-ci il 3-4 dekabr tarixlərində xüsusi sessiya baş tutdu. Təşəbbüslərimizi dəstəkləyən BMT-nin Baş katibi cənab Antonio Quterreşə və bütün dövlətlərə minnətdarlığımı bildirirəm.</p> <p>Azərbaycan dəfələrlə açıq şəkildə peyvəndlərin zəngin ölkələr tərəfindən öz ehtiyaclarından daha artıq miqdarda alınması ilə bağlı öz narazılığını ifadə edib.</p> <p>Biz davam edən “peyvənd millətçiliyi” və peyvəndlərə çıxışla əlaqədar inkişaf etmiş və inkişaf etməkdə olan dövlətlər arasında dərinləşən qeyri-bərabərliklə bağlı narahatlığımızı bir daha vurğulayırıq.</p> <p>Belə hərəkətlər inkişaf etməkdə olan ölkələrin öz əhalisini qorumasını əngəlləyir. Beynəlxalq hesabatlara əsasən, bu günə qədər dünyada mövcud olan peyvənd dozalarının 75 faizindən çoxu 10 zəngin ölkə tərəfindən alınıb, aşağı gəlirli ölkələrdə isə peyvəndlənmə 2 faizdən azdır.</p> <p>Bu məsələyə beynəlxalq diqqətin cəlb edilməsi məqsədilə Azərbaycan BMT-nin İnsan Hüquqları Şurasında Qoşulmama Hərəkatı adından bütün ölkələrin peyvəndlərə bərabər və universal çıxışının təmin edilməsinə dair qətnamə irəli sürüb və həmin qətnamə cari ilin mart ayında yekdilliklə qəbul edilib.</p> <p>Cari sessiya çərçivəsində Azərbaycan BMT Baş Assambleyasında eyni mövzuda qətnamə layihəsini irəli sürməyi planlaşdırır”.</p> <div> </div> <div> </div> <div></div></div>
<div class="panel-body" news_text"> <p><strong>“Bu il Qoşulmama Hərəkatının yaradılmasının 60 illiyidir. Qoşulmama Hərəkatının 120 üzvünün yekdil qərarı ilə Azərbaycan 2019-cu ilin oktyabrında Bakıda keçirilmiş dövlət və hökumət başçılarının 18-ci Zirvə toplantısında üç il ərzində Hərəkata sədrliyi öz üzərinə götürmüşdür”.</strong></p> <p>“Qafqazinfo” xəbər verir ki, bunu BMT Baş Assambleyasının 76-cı sessiyasının dövlət və hökumət başçıları səviyyəsində keçirilən illik ümumi müzakirələrində çıxışı zamanı Prezident İlham Əliyev deyib.</p> <p>Dövlət başçısı bildirib ki, Azərbaycan beynəlxalq ədalətin və beynəlxalq hüquq normalarının təmin edilməsini, habelə Hərəkata üzv dövlətlərin legitim maraqlarını güclü şəkildə müdafiə edir:</p> <p>“Bu il Hərəkata üzv dövlətlər Azərbaycanın sədrliyini daha bir il - 2023-cü ilin sonuna qədər uzadılmasına dair yekdil qərar qəbul ediblər. Bu, bütün dünya üçün çətin bir dövrdə Azərbaycanın Hərəkata uğurlu və səmərəli şəkildə sədrlik etməsinin təsdiqi və yüksək qiymətləndirilməsinin əlamətidir.</p> <p>BMT-nin Dayanıqlı İnkişaf Məqsədlərinin həyata keçirilməsi Azərbaycan üçün xüsusi əhəmiyyət kəsb edir. Azərbaycan dünyada 2030-cu il Gündəliyinin icrası ilə bağlı 3-cü Könüllü Milli Hesabatını təqdim edən 12 ölkədən biri, öz regionunda isə ilk dövlətdir.</p> <p>Dayanıqlı İnkişaf Məqsədlərinin nailiyyət indeksi üzrə mümkün 100 xaldan 72.4 xal toplayan Azərbaycan regionda ən yaxşı nəticə göstərərək, 2021-ci il üzrə Dayanıqlı İnkişaf Hesabatında 165 ölkə arasında 55-ci yeri tutmuşdur.</p> <p>Hesabatda Azərbaycanın yoxsulluğun azaldılması, səhiyyə, qidalanma, qadınların əmək bazarında iştirakı, təmiz su və sanitariya, enerjiyə əlçatanlıq, internet istifadəsi, nəsli kəsilmək təhlükəsi olan canlıların mühafizəsi, əhalinin rifahının yaxşılaşdırılması, şəhər və yaşayış məntəqələrinin dayanıqlı inkişafı sahələrində əldə etdiyi tərəqqi vurğulanır”.</p> <div> </div> <div> </div> <div></div></div>
<div class="panel-body" news_text"> <p><strong>“Münaqişənin son iki ili ərzində Ermənistan qəsdən danışıqlar prosesini məhv etdi”.</strong></p> <p>“Qafqazinfo” xəbər verir ki, bunu BMT Baş Assambleyasının 76-cı sessiyasının dövlət və hökumət başçıları səviyyəsində keçirilən illik ümumi müzakirələrində çıxışı zamanı Prezident İlham Əliyev deyib.</p> <p>Dövlət başçısı qeyd edib ki, Ermənistan hökuməti “Qarabağ Ermənistandır və nöqtə” və “bir qarış belə işğal olunmuş torpaq qaytarılmayacaq” kimi bir sıra təxribatçı bəyanat və hərəkətlərə yol verdi:</p> <p>“Ermənistanın ovaxtkı müdafiə naziri açıq şəkildə Azərbaycanı yeni təcavüz və yeni işğal ilə hədələdi. Ermənistan qəbuledilməz və əsassız “yeddi şərt” irəli sürərək, danışıqlar formatının dəyişdirilməsi, danışıqlara sıfırdan başlanılması və Ermənistan tərəfindən işğal edilmiş ərazilərdə yaradılmış qondarma rejimin danışıqlar prosesinə cəlb edilməsini tələb etdi.</p> <p>Danışıqların formatının və mahiyyətinin dəyişdirilməsi cəhdi Ermənistanın məsuliyyətsiz və təhlükəli hərəkətləri səbəbindən fəaliyyəti iflic olmuş ATƏT-in Minsk qrupunun həmsədrləri üçün xoşagəlməz sürpriz oldu.</p> <p>Bundan əlavə, Cenevrə konvensiyaları da daxil olmaqla, beynəlxalq hüququn kobud şəkildə pozulması ilə Ermənistan açıq şəkildə qanunsuz məskunlaşdırma siyasətini həyata keçirərək, əsasən Yaxın Şərqdən olan erməni əsilli şəxsləri Azərbaycanın işğal olunmuş ərazilərinə yerləşdirirdi.</p> <p>İllər ərzində hökm sürən cəzasızlıqdan ruhlanan Ermənistan təcavüzün nəticələrini möhkəmləndirmək və qanunsuz məskunlaşdırmanı sürətləndirmək üçün Ermənistandan işğal olunmuş ərazilərimizə yeni yolun inşa ediləcəyini bəyan edirdi.</p> <p>2020-ci ilin iyul ayında Ermənistan Azərbaycanla dövlət sərhədi boyu hərbi təxribat törətdi. Azərbaycanın Tovuz rayonu istiqamətində açılmış artilleriya atəşi nəticəsində 13 hərbçi və mülki vətəndaş həlak oldu.</p> <p>Daha sonra avqust ayında Ermənistanın diversiya qrupu keçmiş təmas xəttini keçərək, Azərbaycan hərbçilərinə və mülki şəxslərə qarşı terror aktları törətməyə cəhd etdi, lakin bunun qarşısı uğurla alındı.</p> <p>Ötən il sentyabrın 24-də BMT Baş Assambleyasının 75-ci sessiyası çərçivəsindəki çıxışımda mən xəbərdarlıq etmişdim ki, “Ermənistan rəhbərliyinin düşmən, Azərbaycanofob bəyanatları və təxribatları Ermənistanın Azərbaycana qarşı yeni hərbi təcavüzə hazırlaşdığını nümayiş etdirir”.</p> <p>Bundan üç gün sonra - sentyabrın 27-də Ermənistan Azərbaycanın hərbi mövqelərinə və mülki şəxslərinə qarşı irimiqyaslı hücuma başladı. Buna cavab olaraq, Azərbaycan BMT Nizamnaməsinin 51-ci maddəsində təsbit edilmiş özünümüdafiə hüququndan istifadə edərək, öz ərazisində Ermənistana qarşı əks-hücum əməliyyatına başladı.</p> <p>44 gün ərzində Ermənistan silahlı qüvvələri cəbhəboyu ərazilərdə yerləşən rayonlarımızı və şəhərlərimizi – Ağdam, Ağcabədi, Beyləqan, Daşkəsən, Füzuli, Goranboy, Tərtəri intensiv şəkildə atəşə tuturdu”.</p> <div> </div> <div> </div> <div></div></div>
<div class="panel-body" news_text"> <p><strong>“İğdırdan Azərbaycana yol çəkəcəyik”.</strong></p> <p>“Qafqazinfo” xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında deyib. O bildirib ki, hazırda Azərbaycanda da intensiv işlər görülür:</p> <p>“Misal üçün, cənab İlham Əliyev istədiyi vaxt, istədiyi kimi cənab Vladimir Putinlə görüşür, danışır. Çox qısa müddətdə əlaqələrimizi qurub, görüşlərimizi edə bilirik. Daha da önəmlisi, hazırda atdığımız birgə addımlarla İğdırdan Azərbaycana yol çəkəcəyik. Bura dəmir yolu da daxildir. Bu yolun inşası çox mühüm addım olacaq”.</p> <div> </div> <div> </div> <div></div></div>
<p><strong>Azərbaycan paralimpiya yığmalarında baş məşqçi təyinatları reallaşıb.</strong></p> <p>“Qafqazinfo” xəbər verir ki, bu barədə Milli Paralimpiya Komitəsinin prezidenti İlqar Rəhimov əmr imzalayıb.</p> <p>1. İbrahimov İbrahim Eldar oğlu-kişilərdən ibarət cüdo idman növü üzrə milli komandanın,<br/> 2. İbrahimov Ramin İbrahim oğlu - qadınlardan ibarət cüdo idman növü üzrə milli komandanın,<br/> 3. Panyutin Oleq Viktoroviç- atletika idman növü üzrə milli komandanın,<br/> 4. Culfayev Alavərdi Abasoviç-üzgüçülük idman növü üzrə milli komandanın,<br/> 5. İbişov İlqar Əsgər oğlu - pauerliftinq idman növü üzrə milli komandanın,<br/> 6. Abdullayev Yusif İnqlab oğlu - güllə atıcılığı idman növü üzrə milli komandanın,<br/> 7. Abbasov İlqar Əziz oğlu - kamandan oxatma idman növü üzrə milli komandanın,<br/> 8. Tağızadə Fərid Əvəz oğlu-para-taekvondo idman növü üzrə milli komandanın,<br/> 9. Abdullayev Zahir Abdulla oğlu-qolbol idman növü üzrə milli komandanın,<br/> 10. Məhərrəmov İlham Nadir oğlu-boccia idman növü üzrə milli komandanın,<br/> 11. Qubuşova Ruqiyyə Heydər qızı - stolüstü tennis idman növü üzrə milli komandanın,<br/> 12. Məlikov Asəf Adil oğlu - qılıncoynatma idman növü üzrə milli komandanın,<br/> 13. Həsənquliyev Amid Umud oğlu - para-velosiped idman növü üzrə milli komandanın,<br/> 14. İsmayılov Məhəmməd Sahib oğlu - qış idman növləri üzrə milli komandanın baş məşqçiləri təyin ediliblər.</p>
<div class="panel-body" news_text"> <p><strong>Xəzərin sahil zolağında fəaliyyət göstərən istirahət mərkəzlərindən dənizə axıdılan tullantı sularının müəyyən olunması məqsədilə Xəzər Kompleks Ekoloji Monitorinq İdarəsinin əməkdaşları tərəfindən keçirilən monitorinqlərin nəticələrinə əsasən Dövlət Ekoloji Təhlükəsizlik Xidməti tərəfindən araşdırma aparılıb. </strong></p> <p>Xəzər Kompleks Ekoloji Monitorinq İdarəsinin rəisi Nazim Mahmudov "Qafqazinfo"ya bildirib ki, monitorinqlər zamanı Xaçmaz rayonunun sahil zolağında fəaliyyət göstərən <strong>“Bulaq" və "Üç Qardaş"</strong> istirahət mərkəzlərindən tullantı sularının təmizlənmədən Xəzərə axıdıldığı müəyyən edilib:</p> <p>“Eyni zamanda, <strong>“Rüfət”, “Dostluq”, “El-Faro”, “Üç Qardaş”, “Yaşıl Ada”</strong> ictimai-iaşə obyektlərində və vətəndaş Yusif Abdullayevə məxsus kafedə məişət tullantılarının qalaqlanması faktları aşkar olunub”. </p> <p>İdarənin rəsmisi qeyd edib ki, faktlarla bağlı təqsirkar şəxslər barəsində qanunamüvafiq tədbirlər görülüb və nöqsanların aradan qaldırılması üçün məcburi göstərişlər verilib.</p> <div> </div> <div> </div> <div></div></div>
<div class="panel-body" news_text"> <p><strong>ABŞ-ın Federal Ehtiyatlar Sistemi (FED) sentyabr iclasının nəticələrinə əsasən, baza faiz dərəcəsini illik 0-0,25% səviyyəsində saxlayıb.</strong></p> <p>“Qafqazinfo” xəbər verir ki, bu barədə tənzimləyicinin məlumatında deyilir. Qərar əksər analitiklərin proqnozlarına uyğun olub.</p> <p>Qeyd edək ki, 2020-ci ilin martında ABŞ dollarının baza məzənnəsi 0-0,25% səviyyəsinə endikdən sonra FED artıq 12-ci dəfədir uçot dərəcəsini sabit saxlayır.</p> <div> </div> <div> </div> <div></div></div>
<p><strong>Rusiyada koronavirusun yeni B.1.1.523 ştamı aşkarlanıb.</strong></p> <p>“Qafqazinfo” xəbər verir ki, bu barədə məlumatı “bioRxiv” jurnalı yayıb. Bildirilir ki, niderlandlı alimlər özündə daha əvvəl aşkar olunan “Beta” və “Delta” ştamlarının mutasiyasını əks etdirən yeni ştam aşkar ediblər.</p> <p>Alimlər sözügedən yeni ştamın mənşəyinin Rusiya olduğunu elan ediblər. Belə ki, ştamın hansı ölkədən digər ölkələrə yayılması və ilk yoluxma halları ilə bağlı məlumatları təhlil edərək ştamın ilk dəfə məhz Rusiyada peyda olduğu qənaətinə gəlinib.</p> <p>Alimlərin müşahidə etdiyi dövr ərzində Rusiyada yeni ştama 345 yoluxma halı qeydə alınıb. İkinci yerdə 92 yoluxma halı ilə Almaniya qərarlaşıb.</p> <p>Alimlər qeyd edir ki, yoluxma 2021-ci ilin may ayında pik həddə çatıb. Ştamın özünün isə cari ilin fevralında ortaya çıxdığı zənn edilir.</p>
<div class="panel-body" news_text"> <p><strong>Rusiya oktyabrın 5-dən Cibuti, Peru, CAR, Danimarka və Yeni Zelandiya ilə uçuşları bərpa edəcək.</strong></p> <p>“Qafqazinfo” “RİA Novosti”yə istinadən xəbər verir ki, müvafiq qərar ölkələrdəki epidemioloji vəziyyət nəzərə alınaraq verilib.</p> <p>Həmçinin, Moskva-Cibuti, Moskva-Vellinqton, Moskva-Lima, Moskva-Keyptaun, Moskva –Yohannesburq, Sankt-Peterburq-Kopenhagen reysləri üzrə həftədə iki dəfə uçuşlar yerinə yetiriləcək.</p> <div> </div> <div> </div> <div></div></div>
<div class="panel-body" news_text"> <p><strong>Ermənistanın hüquq-mühafizə orqanları feysbukda Baş nazir Nikol Paşinyanın fotosuna təhqiredici şərh yazan şəxslə bağlı cinayət işi açıb.</strong></p> <p>“Qafqazinfo” TASS-a istinadən xəbər verir ki, cinayət işi “İctimai fəaliyyətinə görə şəxsi ağır təhqir etmək” maddəsi üzrə başlanıb. Hazırda şərhin müəllifini müəyyən etmək üçün tədbirlər görülür.</p> <p>Qeyd edək ki, Ermənistanın Cinayət Məcəlləsinə “Kobud təhqir” başlıqlı yeni (137.1) maddə əlavə olunub və 3 milyon dram cərimə (təxminən 6 min dollar) və ya 3 aylıq azadlıqdan məhrumetmə cəzası nəzərdə tutur.</p> <div> </div> <div> </div> <div></div></div>
<div class="panel-body" news_text"> <p><strong>Zaqatalada Vətən müharibəsi qazisinin evində yanğın baş verib.</strong></p> <p>"Qafqazinfo"nun məlumatına görə, bu gün axşam saatlarında rayonun Yuxarı Tala kənd sakini Osmanov Ələddin Xaliddin oğluna məxsus, ümumi sahəsi 100 kv/m olan kürsülü 3 otaqdan ibarət fərdi yaşayış evində yanğın baş verib.</p> <p>Yanğının söndürülməsi üçün FHN-in müvafiq qüvvələri cəlb olunub. Yanğın nəticəsində evin dam örtüyünün yanar konstruksiyaları yanaraq yararsız hala düşüb. Evin qalan hissəsi yanğından mühafizə olunub. Yanğın zamanı xəsarət alan olmayıb.</p> <p>Qeyd edək ki, ev sahibi Ələddin Osmanovun oğlu Elvin Osmanov Vətən müharibəsi iştirakçısıdır və o, döyüş zamanı yaralanıb.</p> <p><strong>Mübariz Muradov</strong></p> <div> </div> <div> </div> <div></div></div>
<div class="panel-body" news_text"> <p><strong>Surinamının 60 yaşlı vitse-prezidenti Ronni Bryunsviyk CONCACAF Liqasında matça çıxıb.</strong></p> <p>“Qafqazinfo” xəbər verir ki, dövlət rəsmisi sahibi və kapitanı olduğu “İnter Munqotapu”nun heyətində Hondurasın “Olimpia” klubuna qarşı forma geyinib.</p> <p>Matça start heyətdə başlayan keçmiş üsyançı lider 54-cü dəqiqədə əvəzlənib. Görüş rəqibin 0:6 hesablı qələbəsi ilə yekunlaşıb.</p> <div> <iframe width="640" height="400" src="https://www.youtube.com/embed/cj3KL3FnHYk" title="YouTube" video player" frame allow="accelerometer;" autoplay; clipboard-write; encrypted-media; gyroscope; picture-in-picture" allowfullscreen></iframe></div> <div> </div> <div></div></div>
<div class="panel-body" news_text"> <p><strong>Azərbaycanda distant təhsil tələbi ləğv olunub və əyani təhsilə keçid müəyən edilib.</strong></p> <p>"Qafqazinfo" xəbər verir ki, bu, Nazirlər Kabinetinin "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları"nda etdiyi dəyişikliklərə verdiyi izahda qeyd olunub.</p> <p>Qeyd olunub ki, təhsil alanların dərslərdə əyani iştirakının könüllülük prinsipi əsasında olması ləğv edilir. Bundan başqa, təhsil müəssisəsində növbəli iş rejimi tələbi də ləğv edilib.</p> <div> </div> <div> </div> <div></div></div>
<div class="panel-body" news_text"> <p><strong>Fransalı hüquq müdafiəçiləri Azərbaycanın Qarabağ bölgəsinə qanunsuz səfər ediblər.</strong></p> <p>“Qafqazinfo” erməni KİV-nə istinadən xəbər verir ki, Fransanın “L'Œuvre d'Orient” təşkilatının nümayəndələri qanunsuz olaraq Qarabağa gediblər. </p> <p>Onlar Azərbaycan hökumətini səfər barədə məlumatlandırmadan və Laçın dəhlizi vasitəsilə rusiyalı sülhməramlıların məsuliyyətində olan zonaya yollanıblar.</p> <p>Erməni KİV yazır ki, “L'Œuvre d'Orient” təşkilatının nümayəndə heyəti Qarabağda ermənilərlə görüşlər keçirirlər.</p> <div> </div> <div> </div> <div></div></div>
<div class="panel-body" news_text"> <p><strong>Rusiya və ABŞ Silahlı Qüvvələrinin Baş Qərargah rəisləri Valeri Gerasimov və Mark Milli arasında görüş olub.</strong></p> <p>“Qafqazinfo” xəbər verir ki, bu barədə məlumatı Rusiyanın Müdafiə Nazirliyi yayıb. Bildirilir ki, görüş Finlandiyanın paytaxtı Helsinki şəhərində keçirilib. Tərəflər görüş zamanı hərbçilər arasında münaqişələrin yaranması riskinin azaldılması ilə bağlı məsələləri müzakirə ediblər. </p> <p>Nazirlik, həmçinin qeyd edib ki, görüş zamanı qarşılıqlı maraq doğuran məsələlər ətrafında fikir mübadiləsi aparılıb və sözügedən görüş konstruktiv xarakter daşıyıb. </p> <p>“The Wall Street Journal”ın məlumatına görə isə, danışıqlar ABŞ və tərəfdaşlarının Əfqanıstanı tərk etməsindən sonra terrorizmlə mübarizə vasitələrinin axtarılması fonunda keçirilib.</p> <div> </div> <div> </div> <div></div></div>
<div class="panel-body" news_text"> <p><strong>Tehran hesab edir ki, nüvə sazişi üzrə danışıqlar prosesi İranın üzərindəki sanksiyaların ləğvinə gətirib çıxaracaq. </strong></p> <p>“Qafqazinfo” xarici mediaya istinadən xəbər verir ki, bunu İran Prezidenti İbrahim Rəisi BMT Baş Assambleyasının 76-cı sessiyasında çıxışı zamanı deyib.</p> <p>“İran danışıqların faydalı bir vasitə olduğuna inanır və nəticədə bütün sanksiyaların ləğvinə səbəb olacağına ümid edir. Nüvə silahının Tehranın müdafiə doktrinasında yeri yoxdur”, - deyə Rəisi bildirib.</p> <div> </div> <div> </div> <div></div></div>
