Romanovlar evinin zinət əşyaları "Sotheby's"də satışa çıxarılacaq

"Sotheby's" hərrac evinin Cenevrədəki zərgərlik hərracının əsas lotu inqilab ərəfəsində Rusiyadan gizli şəkildə çıxarılmış Romanovlar evinin zinət əşyaları olacaq.

"APA-Economics"in məlumatına görə, bu barədə "Interfax" hərrac evinin mətbuat xidmətinə istinadən yazır.

"1917-ci ilin Oktyabr İnqilabı ərəfəsində Rusiyadan gizli olaraq çıxarılan və 300-500 min ABŞ dolları dəyərində olan sapfir və brilyantdan ibarət bir dəst broş və bir cüt sırğa "Sotheby's"in Cenevrə hərraclarının əsas lotu olacaq", - məlumatda deyilir.

Xatırladaq ki, hərraca çıxarılacaq broş və sırğaların İmperator II Nikolayın xalası knyaginya Mariya Pavlovnaya aid olduğu bildirilir. "Möhtəşəm zərgərlik və soylu zinət əşyaları" adlı hərrac noyabrın 10-da keçiriləcək.

Mənbə:
0
266
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar