Peskov Paşinyana cavab verib
16:03
05.09.2023
Baxılıb: 3863
Peskov Paşinyana cavab verib

Ermənistanın baş naziri Nikol Paşinyanın italyan jurnalistlə müsahibəsində Rusiyanın regionu tərk etməsi ilə bağlı bəyanatına Rusiya prezidentinin mətbuat katibi Dmitri Peskov birbaşa cavab verib. Qeyd etmək lazımdır ki, 2 sentyabr tarixində İtaliyanın “La Repubblica” qəzetinə müsahibəsində Rusiya sülhməramlılarının Laçin dəhlizində faktiki fəaliyyətsizliyinə toxunan baş nazir Nikol Paşinyan bu məsələ ilə bağlı tarixi paralel aparıb və bəyan edib ki, “bir gün biz oyanacağıq və görəcəyik ki, Rusiya artıq bu regionda yoxdur."

 

Putinin mətbuat katibi Peskov bildirib ki, Rusiya bu regionun ayrılmaz hissəsidir, ona görə də heç bir yeri tərk edə bilməz. Rusiya Ermənistanı tərk edə bilməz. Unutmaq lazım deyil ki, hər halda Rusiyada Ermənistanın özündən daha çox erməni yaşayır və onların əksəriyyəti Rusiyanın inkişafına öz layiqli töhfələrini verən nümunəvi və vətənpərvər vətəndaşlardır. 

Dmitri Peskov bildirib ki, Kreml Nikol Paşinyanın bəyanatları, o cümlədən Dağlıq Qarabağdakı sülhməramlıların uğursuzluğu ilə razılaşmır. 

Digər xəbərlər