Avropa İttifaqının “Şərq Tərəfdaşlığı” konfransı Brüsseldə dekabrın 11-də saat 18:00-da toplanacaq. Avropa İttifaqının Xarici Əlaqələr üzrə Ali Nümayəndəsi Josep Borrell və Aİ komissarı Oliver Varhelinin sədrlik edəcəyi konfransda Ukrayna, Moldova, Gürcüstan, Ermənistan və Azərbaycan xarici işlər nazirlərinin iştirak edəcəyi gözlənilir. Belarus nümayəndələrinə isə sanksiyalara görə bir neçə ildir dəvət göndərilmir. 

Konfransın əsas məqsədi tərəfdaşlıq proqramlarının uğurlarını, problemlərini və prioritetlərini nəzərdən keçirmək və müzakirə etməkdir. Konfransda “Şərq Tərəfdaşlığı” Vətəndaş Cəmiyyəti Forumunun nümayəndələri də öz çıxışları ilə nazirlərə müraciət edəcəklər.