ABŞ prezidentliyinə namizəd Donald Tramp prezident seçiləcəyi təqdirdə iş adamı İlon Maska nazir və ya müşavir vəzifəsi verəcəyini bildirib.
AZƏRTAC xəbər verir ki, sabiq prezident bu barədə “Reuters” agentliyinə müsahibəsində bildirib. Bununla yanaşı Tramp tanınmış iş adamını konkret hansı posta gətirəcəyi ilə suala konkret cavab verməyib.
“Wall Street Journal”ın xəbərinə görə, Donald Tramp və İlon Mask vaxtaşırı görüşür və telefonla danışırlar. Mətbuat konfranslarının birində Tramp bildirib ki, “o, İlon Maska, Mask da ona hörmət edir. Mask ABŞ-də çox ciddi problemlərin olduğunu başa düşür”.
