2-6 oktyabr tarixləri arasında Adanada keçiriləcək Aviasiya, Kosmos və Texnologiya Festivalı (TEKNOFEST) çərçivəsində Mersində təşkil edilən İnsansız Sualtı Sistemləri Yarışmasının finalı ikinci günündə davam etdi.
Mersin Olimpik Üzmə Hovuzunda təşkil edilən final yarışlarında 45 komandadan 451 idmançı mübarizəni davam etdirir.
İştirakçılar yarışın “Torpedonun buraxılışı”, “Sualtı kabelin izlənilməsi və anomaliyaların aşkarlanması” və “Rəng aşkarlanması və qapının keçidi” treklərində əsas və təkmil kateqoriyalar üzrə verilən tapşırıqlarda bacarıqlarını nümayiş etdiriblər.
Yarışmaya Mersindən qatılan Kenan İlhan 4 ildir komandası ilə TEKNOFEST-də iştirak etdiyini bildirib.
Mersində TEKNOFEST-in İnsansız Sualtı Sistemləri Yarışmasının finalı davam edir
TEKNOFEST-də birincilik qazandıqlarını açıqlayan İlhan, "Özümüzə güvənirik. Verdiyimiz tapşırıqları çox yaxşı yerinə yetirdik" dedi.
Sentyabrın 20-də başa çatacaq İnsansız Sualtı Sistemləri Yarışmasında əsas kateqoriya üzrə birinci komandaya 150 min lirə, ikinci komandaya 120 min lirə, üçüncü komandaya 100 min lirə mükafat veriləcək. Qabaqcıl kateqoriyada birinci komanda 200 min lirə, ikinci komanda 150 min lirə və üçüncü komanda 120 min lirə alacaq.
