Ana səhifə SAM haqqında Tədbirlər Media Nəşrlər Vakansiyalar Fotoqalereya Qarabağ

Brüsseldə "Cənubi Qafqaz - inteqrasiya və fraqmentləşmə arasında" adlı kitabın təqdimatı keçirilmişdir

2015-05-21 16:09:49

19 may 2015-ci il tarixində Azərbaycan Respublikasının Prezidenti yanında Strateji Araşdırmalar Mərkəzinin və Avropa Siyasət Mərkəzinin (EPC) "Cənubi Qafqaz - inteqrasiya və fraqmentləşmə arasında" mövzusunda hazırladıqları kitabın təqdimat mərasimi keçirilmişdir. EPC-nin baş elmi işçisi Amanda Polun moderatorluğu ilə aparılmış bu tədbirdə SAM-ın direktor müavini Gülşən Paşayeva və Xarici siyasət məsələlərinin təhlili şöbəsinin müdiri Cavid Vəliyev, Tartu Universitetinin professoru Andrey Makarıçev və Birləşmiş Krallığın Link təşkilatının direktoru Denis Sammut məruzə etmişlər.

Avropa Parlamentinin, Avropa Xarici Siyasət Xidmətinin, Avropa İttifaqı yanında daimi nümayəndəliklərin, beynəlxalq qeyri-hökumət təşkilatlarının və s. altmışdan çox təmsilçisini bir araya gətirən bu tədbirdə Cənubi Qafqaz bölgəsinin hazırkı durumu və onun gələcək inkişaf perspektivləri ətrafında fikir mübadiləsi aparılmış və iştirakçıların müxtəlif sualları məruzəçilər tərəfindən cavablandırılmışdır.

The South Caucasus - Between integration and fragmentation.pdf