Əksəriyyəti qadın və çoxlu qurbanların manipulyasiya edilmiş səslərini və şəkillərini ehtiva edən “deepfake” adlı üsulla ölkədəki məktəb və universitetlərə bağlı bəzi söhbət qrupları vasitəsilə “seksual görüntülərin” yayıldığı müəyyən edilib.
Sosial şəbəkə istifadəçiləri sinif yoldaşları və müəllimləri kimi tanıdıqları insanların fotolarını bəzi qruplara yükləyib, digər istifadəçilər isə bu fotolardan istifadə edərək saxta görüntülər yaradaraq ölkə daxilində reaksiyalara səbəb olublar.
Cənubi Koreya prezidenti Yoon Suk Yeol mövzu ilə bağlı açıqlamasında "Qurbanlar əsasən azyaşlılar, görüntüləri yayan şəxslər isə gənclərdir" deyib.
Reaksiyalardan sonra Seul Mərkəzi Rayon Məhkəməsi 28 yaşlı kişini təxminən 400 "deepfake" videosu hazırlamaqda və internetdə 1700-ə yaxın belə görüntü yaymaqda təqsirli bilib.
Saxta seksual görüntülərin paylaşıldığı qruplardan birinin 133 mindən çox üzvü olduğu və qurbanlarının çoxunun orta məktəb və lisey şagirdləri ilə yanaşı, universitet tələbələri, müəllimlər və hətta hərbi qulluqçular olduğu bildirilir.
