Ukraynadakı müharibəyə görə azərbaycanlılar da itkin düşüb.
“Report” xəbər verir ki, bunu Ukrayna parlamentinin insan hüquqları üzrə müvəkkili (Ombudsman) Dmitro Lubinets oktyabrın 2-də Bakıda itkin düşmüş şəxslər mövzusuna həsr edilmiş beynəlxalq konfransın "Ailələrin “həqiqəti bilmək” hüququnun müdafiəsi və onların ehtiyaclarının qarşılanması" mövzusunda keçirilən sessiyasında deyib.
Onun sözlərinə görə, Ukraynanı çox yaxşı başa düşən ölkələrdən biri də Azərbaycandır: "Ukraynadakı müharibəyə görə 60 mindən çox ukraynalı itkin düşmüş hesab edilir. Onların taleyi ilə bağlı bizdə hər hansı bir məlumat yoxdur. Qarşı tərəf itkinlərlə bağlı məsələdə məlumat verməlidir. Ancaq təəssüflər olsun ki, məlumat verilmir”.
