Kubada əsas istilik elektrik stansiyasının fəaliyyətinin dayanması nəticəsində bütün ölkədə elektrik enerjisi kəsilib.
"Report" xəbər verir ki, bu barədə ölkənin Energetika və Mədən Sənayesi Nazirliyi "X" sosial şəbəkəsində məlumat yayıb.
Nazirlik ölkənin hər yerində elektrik enerjisinin olmadığını təsdiqləyib.
Bir neçə gün əvvəl hökumət enerji böhranını yüngülləşdirmək üçün dövlət müəssisələrinin iş saatlarını qısaldıb. Buna baxmayaraq, bəzi bölgələrdə elektrik təchizatında fasilələr 20 saata qədər davam edir.
Baş nazir Manuel Marrero Kruza bildirib ki, bu problemlərin əsas səbəbi yanacaq və digər zəruri resursların idxalını çətinləşdirən ABŞ sanksiyalarıdır.
