Belarus xəbər agentliyi məlumat verir ki, Minskdə Kollektiv Təhlükəsizlik Müqaviləsi Təşkilatına (KTMT) üzv ölkələrin Xarici İşlər Nazirləri Şurası, Müdafiə Nazirləri Şurası və Təhlükəsizlik Şuraları Katibləri Komitəsinin birgə iclası başlayıb. Tədbirin Belarus Milli Kitabxanasında keçirildiyi bildirilir.
Qeyd etmək lazımdır ki, Ermənistan rəsmiləri bu birgə iclasda iştirak etmirlər. Baş nazir Nikol Paşinyan sabah keçiriləcək KTMT dövlət başçılarının sammitində iştirak etməyəcək.
