Pew Tədqiqat mərkəzi iki il ərzində 32 ölkədə eynicinsli nikahlara münasibət barədə sorğu keçirib. Sorğunun nəticələri arasında maraqlı olanları sizinlə bölüşürük. 

1. Eynicinsli nikahlara ən çox və ən az dəstək verən ölkə 

Tədqiqatın nəticəsinə görə eynicinsli nikaha ən çox dəstək verən ölkə İsveçdir. Belə ki, yetkin əhalinin 92%-i bu cür evliliyi dəstəkləyir. Ən aşağı dəstək isə Nigeriyadadır. Belə ki, burada yetkin əhalinin cəmi 2%-i bu cür evliliyi dəstəkləyir.

2. Şimali və Cənubi Amerikada eynicinsli nikahlara münasibət 

Kanadada yetkin əhalinin 79%-i, ABŞ və Meksikada isə 63%-i  eynicinsli nikahları dəstəkləyir. Qeyd etmək lazımdır ki, eynicinslilərin nikahı hər üç ölkədə qanunidir.

O da maraqlıdır ki, ABŞ-da siyasi baxışı Demokratlara yaxın olan yetkin əhalinin 82%-i eynicinsli nikahları dəstəkləyir, Respublikaçılara yaxın olanların isə cəmi 41%-i bu cür nikahları dəstəkləyir. 

Cənubi Amerikada isə yetkin argentinalıların 67%-i, braziliyalıların isə 52%-i  eynicinsli nikahları dəstəkləyir. Qeyd etmək lazımdır ki, eynicinslilərin nikahı bu iki ölkədə qanunidir.

3. Avropada eynicinsli nikahlara münasibət

Avropa eynicinsli nikahların əksərən qanuni olduğu və cəmiyyət tərəfindən də qəbul edildiyi regiondur. İsveçdə yetkin əhalinin 92%-i, Hollandiyada 89%-i, İspaniyada 87%-i, Fransada 82%-i və Almaniyada 80%-i bu cür evliliyi dəstəkləyir. Böyük Britaniyada isə yetkin əhalinin 74%-i bu cür evliliyi dəstəkləyir. 

Şimali Amerikadan fərqli olaraq Avropada eynicinsli nikahların hələ də qanuni olmadığı ölkələr var. Belə ki, İtaliya, Polşa, Macarıstan və Yunanıstanda eynicinslilərin evliliyi qanuni sayılmır. İtaliyada qanuni olmasa da, yetkin əhalinin 73%-i eynicinsli nikah hüquqlarını dəstəkləyir.  Macarıstan və Polşada isə vəziyyət bir qədər fərqlidir. Belə ki, Polşada bu cür evliliyə dəstək 41%, Macarıstanda isə 31% civarındadır. 

4.Asiya və Okeaniya ölkələrində eynicinsli nikahlara münasibət

Bu regionda eynicinsli evliliyə münasibətə ən yüksək dəstək Avstraliya və Yaponiyadadır. Avstraliyada yetkin əhalinin 75%-i, Yaponiyada isə 68%-i bunu dəstəkləyir. Avstraliyada bu cür nikahlar qanuni olsa da, Yaponiyada hələ də qanuni sayılmır. Vietnamda isə yetkin əhalinin 65%-i bu evliliyi dəstəkləyir. 

Hindistanda yetkin əhalinin 53%-i eynicinsli nikahların qanuni olmalı olduğunu düşünsə də, 43%-i isə buna qarşıdır. Onu da qeyd etmək lazımdır ki, Hindistanın Ali Məhkəməsi bu yaxınlarda eynicinsli nikahların qanuniləşdirilməsi ilə bağlı müraciətə baxa bilməyəcəyini demişdi.

Tayvanda əhalinin bu mövzuda fikri demək olar ki, iki yerə bölünüb. Yetkin əhalinin 45%-i bunu dəstəkləsə də, 43%-i bunun əleyhinədir. 12% isə bu barədə fikir bildirmək isdəmir. Tayvan Asiyada eynicinsli nikahların qanuni olduğu yeganə ölkədir. 

Cənubi Koreyada isə yetkin əhalinin cəmi 41%-i bu cür evliliyi dəstəkləsə də, 56%-i buna qarşıdır. İndoneziyada isə vəziyyət tamamilə fərqlidir. Belə ki, yetkin əhalinin 92%-i bu cür evliliklərin qanuniləşdirilməsinin tamamilə əleyhinədir. 

5.Afrika ölkələrində eynicinsli nikahlara münasibət