Qazaxstan Qəzza zolağından bütün vətəndaşlarını evakuasiya edib
SİYASƏT
00:14
15.12.2023
Baxılıb: 4266
Qazaxstan Qəzza zolağından bütün vətəndaşlarını evakuasiya edib

Qazaxıstan Respublikasının xarici işlər naziri Murat Nurtileu “Kazinform”a eksklüziv müsahibəsində Qazaxıstan vətəndaşlarının Qəzza zolağından təxliyyəsi barədə məlumatları paylaşıb. 

Nazirin sözlərinə görə, Qəzza zolağının ərazisində çoxlu qazaxların olmasını nəzərə alaraq, Xarici İşlər Nazirliyi Qazaxıstanın dövlət orqanları ilə birlikdə vətəndaşların təhlükəsizliyini təmin etmək  üçün döyüş bölgəsindən təxliyə uçuşları təşkil edib və 127 nəfər ailə üzvləri ilə birgə vətənə geri qaytarılıb. 

Onun sözlərinə görə, hazırda Qəzza ərazisində bir qazaxıstanlı və onun ailəsinin fələstin vətəndaşı olan 10 üzvü var. Onlar evakuasiyadan imtina ediblər.

 

Nazir onu da əlavə edib ki, Qəzzada humanitar vəziyyətin pisləşməsi ilə əlaqədar Prezident Kasım-Jomart Tokayevin tapşırığı ilə Qazaxstandan Qəzza zolağı sakinlərinə, 1 milyon ABŞ dolları və 38 ton humanitar yardım göndərilib.

 

Xatırladaq ki, noyabrın 17-də Qazaxıstanın ilk təxliyə təyyarəsi 99 nəfəri - 59 Qazaxıstan vətəndaşı və 40 əcnəbini ailə üzvləri ilə birlikdə vətənlərinə gətirib. İkinci reys dekabrın 11-də Misirdən gəlib və 28 nəfəri Astanaya gətirib. Bunlardan 8-i Qazaxıstan vətəndaşı və 20 nəfəri isə Fələstin vətəndaşı olub.

Digər xəbərlər