Navalnini gizlin dəfn etmək istəyirlər
SİYASƏT
12:20
23.02.2024
Baxılıb: 1985
Navalnini gizlin dəfn etmək istəyirlər

Bir neçə gün qabaq həbsxanada dünyasını dəyişən Aleksey Navalnının anası bildirib ki, hüquq-mühafizə orqanları ona oğlunun meyitini göstəriblər. Bu açıqlamaya qədər qeyri-rəsmi mənbələrdən başqa müxalifətçinin ölümü ilə bağlı heç bir təsdiq yox idi.

 

Navalnının anasının sözlərinə görə, oğlunun meyiti Salexard morqundadır, ona oğlunun meyitini görməyə icazə verilib, lakin həbsxana rəsmiləri meyiti ailəyə verməkdən imtina ediblər.

 

YouTube-da yayımlanan videomüraciətdə Navalnaya deyir ki, o, Salexarddakı İstintaq Komitəsinin əməkdaşları ilə danışıb, onlar oğlunun ölüm səbəbinin müəyyən olunduğunu və müvafiq protokol tərtib olunduğunu bildiriblər.

 

Fevralın 16-da həbsdə dünyasını dəyişən müxalifətçinin anası iddia edir ki, hakimiyyət onun oğlu üçün gizli dəfn təşkil etmək istəyir. "Məni hədələyirlər, şərtlər irəli sürürlər: Alekseyi harada, nə vaxt və necə dəfn etmək lazımdır. Bu, qanunsuzdur. Onlar Kremldən və ya İstintaq Komitəsinin mərkəzi aparatından göstərişlər alıblar. Bütün bunları gizli şəkildə etmək istəyirlər.  İstəyirlər ki, insanların Navalnı ilə vidalaşmaq şansı olmasın. 

 

Navalnının mətbuat katibi Kira Yarmiş bildirib ki, tibbi rəyə əsasən, siyasətçi təbii səbəblərdən ölüb.

Digər xəbərlər