On minlərlə insan şənbə günü Budapeştin mərkəzində Viktor Orban hökumətinə etiraz edib.
Etirazçıların bəziləri “qorxmuruq”, “Orban istefa!” şüarları səsləndirib. Yürüşə əvvəllər Orbanın keçmiş ədliyyə naziri Judit Varqa ilə evli olan və öz siyasi partiyasını qurmağı planlaşdıran 43 yaşlı Peter Magyar rəhbərlik edib.
Magyar fevral ayında hökumətin daxili işləri haqqında verdiyi şərhlərdən sonra geniş şəkildə tanınmağa başladı. O, Orbanın ofisinə rəhbərlik edən nazir Antal Roqanı mərkəzləşdirilmiş təbliğat maşını idarə etməkdə ittiham edib.
