Dövlət Miqrasiya Xidmətinin rəisi, II dərəcəli dövlət miqrasiya xidməti müşaviri Vüsal Hüseynov BMT-nin Qaçqınlar üzrə Ali Komissarlığının (BMT QAK) Azərbaycan Respublikasındakı nümayəndəliyinin rəhbəri xanım Bik Lum ilə görüşüb.
Qonaqları səmimi salamlayan Xidmət rəisi qurumlararası əməkdaşlığın mövcud vəziyyətindən bəhs edib. Görüşün İkinci Qlobal Qaçqın Forumu öncəsi təşkilinin, eləcə də cari il ərzində həyata keçirilən birgə fəaliyyətlərin müzakirəsi və qiymətləndirilməsi baxımından önəmini vurğulayıb.
Qaçqınlar və sığınacaq axtaran şəxslərin hüquqlarının müdafiəsi istiqamətində DMX ilə əməkdaşlıq çərçivəsində görülmüş işləri müsbət qiymətləndirən BMT QAK-ın Azərbaycandakı Nümayəndəsi xanım Bik Lum mövcud olan əlaqələrin bundan sonra daha da möhkəmləndiriləcəyinə ümidvar olduğunu bildirib.
Görüşdə tərəflər arasında miqrasiya sahəsində qarşılıqlı maraq kəsb edən digər məsələlərlə də bağlı fikir mübadiləsi aparılıb.
