Çində aparılan araşdırmalara görə, Yerin peykində təxminən 120 milyon il əvvəl əmələ gələn vulkanik materiallar tapılıb.
Paytaxt Pekində Çin Elmlər Akademiyasının alimləri Aydan toplanan nümunələri araşdırıblar.
Elm adamları, əvvəllər təxminən bir milyard ildir vulkanik aktiv olmadığı düşünülən Ayın, dinozavrların yer üzündə yaşayarkən vulkanik fəaliyyət göstərdiyini müəyyən ediblər.
Təxminən 4 il əvvəl "Chang'e 5 Spacecraft" tərəfindən Aydan toplanan nümunələri araşdıran tədqiqatçılar nümunələrdə təxminən 120 milyon il əvvəl əmələ gələn şüşə parçaları tapıblar.
Tədqiqatçılar Yerə gələn nümunələrdən 4-də tapılan təxminən 3 min şüşə nümunəsini araşdırıb və nümunələrdə yüksək səviyyədə torium da müşahidə ediblər.
Nümunələrin kükürd izotopları və kimyəvi quruluşlarına görə vulkan şüşəsi olduğunu bildirən tədqiqatçılar, bu nümunələrin elementar quruluşda Apollon missiyasının gətirdiyi nümunələrdəki vulkanik şüşələrə bənzədiyini əlavə ediblər.
Bu nümunələrin 4,6 milyard il yaşı olan Ayda 120 milyon il əvvəl vulkanik fəaliyyət olduğunu göstərdiyini bildirən tədqiqatçılar, bu tapıntının Ayın varlığının böyük bir hissəsinin vulkanik aktiv olduğunu göstərdiyini qeyd ediblər.
Araşdırma "Science" jurnalında dərc olunub.
