Şiddətli şaxta səbəbindən Aktauda Xəzər dənizinin sahillərini 2 santimetrə qədər buz örtüb. Kazinform xəbər verir ki, fövqəladə hallar rəsmiləri insanların təhlükəsiz hərəkəti üçün bəyanat yayıb.
Bəyanatda deyilir ki, 2 santimetr buz insanın ağırlığını daşıya bilməz. Ona görə də buzun üzərinə təkbaşına, qrup halında və ya avtomobillə çıxmaq olmaz. Həmçinin dəniz sahilinə gedərkən uşaqları nəzarətsiz qoymaq olmaz. Buzun üzərində gəzmək üçün buzun qalınlığının ən azı 10 santimetr olması lazım olduğunu bildirib və sakinləri buzun üzərinə çıxmamağa çağırıb.
Bununla yanaşı, aidiyyəti qurumlar xəbərdarlıq edir ki, su obyektlərində təhlükəsizlik qaydalarını pozan vətəndaşlar Qazaxıstan Respublikasının İnzibati Xətalar Məcəlləsinin 412 və 364-cü maddələri ilə məsuliyyət daşıyırlar.
