Böyük Britaniyanın daxili işlər naziri İvett Kuper daha çox qeyri-qanuni miqrantın saxlanılacağına və rekord sayda deportasiyanın həyata keçirləcəyinə söz verib.
AZƏRTAC xəbər verir ki, nazir növbəti altı ay ərzində 14 mindən çox qeyri-qanuni miqrantı ölkədən çıxarmaq planının bir hissəsi olaraq miqrantlar üçün saxlama mərkəzlərinin genişləndiriləcəyini vurğulayıb.
Bundan əlavə, seçkidən sonra qeyri-qanuni miqrantları izləmək, saxlamaq və geri qaytarmaq üçün Daxili İşlər Nazirliyinin 300-ə yaxın işçisi yenidən prosesə qoşulub. Qaçaqmalçılıqla məşğul olan insanları hədəfə almaq məqsədilə 100-dək yeni mütəxəssis, kəşfiyyat və təhqiqat zabiti Avropa agentlikləri ilə işləmək üçün Milli Cinayət Agentliyinə (NCA) cəlb edilib.
