AfD-nin liderlik etdiyi Brandenburq əyalətində seçki yarışı davam edərkən, AfD-nin müavini Lena Kotrenin müdafiə silahı olan “kubotan”ı paylaması müzakirələrə səbəb olub.
Almaniyanın Brandenburq əyaləti bazar günü, sentyabrın 22-də yeni parlamentini seçmək üçün sandıq başına gedir. Sorğulara görə, AfD Şərqi Almaniyanın Türingiya və Saksoniyadan sonra 2024-cü ildə seçki keçirən üçüncü əyaləti olan Brandenburqda irəlidə görünür. Beş ildir əyalətin baş naziri olan Dietmar Woidkenin (SPD) rəhbərlik etdiyi koalisiya SPD, CDU və Yaşıllardan ibarətdir.
INSA-nın keçirdiyi son sorğuda AfD 28 faiz səslə birinci, SPD 25 faizlə ikinci, CDU isə 16 faiz səslə üçüncü olub. Sahra Vaqenknextin yeni yaradılmış partiyası BSW 14 faiz səslə dördüncü yerdədir. Yaşıllar, Müstəqil Seçicilər (BVB/FW) və Sol Partiya 5 faizlik baryeri keçə bilməyərək parlamentdən kənarda qalmaq riski ilə üzləşirlər.
Bu seçki kampaniyasında AfD millət vəkili Lena Kotrenin müdafiə silahı olan "kubotan"ı paylaması diqqət çəkib. Kubotan, təxminən 15 santimetr uzunluğunda metal sünbüllü bir obyektdir. İngiltərədə hücum silahı sayılan Kubotan Almaniyada qadağan olunmasa da, İsveçrədə qadağan edilib. Kotre sosial mediada paylaşdığı videoda vətəndaşların özlərini müdafiə etməli olduğunu və dövlətin bu mövzuda yetərli olmadığını müdafiə edib. Polis isə bıçaqlı hücumlardan qaçmağı məsləhət görür.
