Saksoniya və Türingiyada AfD-nin yüksəlişi bu bölgələrdən, xüsusən də immiqrant mənşəli olanlar arasında mühacirət etmək istəyini artırıb. İmmiqrant mənşəli hər 10 nəfərdən 1-i ölkəni tərk etmək istəyir.

Almaniyada ötən bazar günü keçirilən Saksoniya və Türingiya əyalətlərində keçirilən seçkilərdə ifrat sağçı Almaniya üçün Alternativ (AfD) partiyası səslərini artıraraq, bir çox insanın bu bölgələrdən mühacirət etməyi düşünməsinə səbəb olub. Alman İnteqrasiya və Miqrasiya Araşdırmaları Mərkəzinin (DeZIM) araşdırmasına görə, xüsusilə immiqrant mənşəli olanlar AfD-nin gücləndiyi bölgələri tərk etməyi düşünməyə daha çox meyllidirlər.

Mühacir əsilli insanlar ölkəni tərk etmək istəyirlər
Hesabata görə, immiqrant mənşəli hər dörd nəfərdən biri Almaniyanı tərk etməyi düşünür. Qeyri-immiqrantlar arasında bu nisbət yüzdə 12 ətrafındadır. İmmiqrant mənşəli şəxslərin 9,3 faizi bölgəni tərk edib xaricə getməyi planlaşdırdığı halda, digər bölgələrdə bu nisbət yüzdə 1,9-dur.

Remiqrasiya planı böyük narahatlıq doğurdu
Almaniyanın başqa bölgəsinə köçməyi planlaşdıran immiqrantların ən böyük qrupu 24,1 faizlə ərəbdilli ölkələrdən olanlardır. AfD-nin “Remiqrasiya” adlandırdığı mühacirləri və digər arzuolunmaz insanları kütləvi şəkildə ölkədən çıxarmaq planları bu insanların böyük narahatlığına səbəb olur. Sorğuda iştirak edənlərin 60 faizi bu planlardan narahatdır. Bundan əlavə, iştirakçıların 72,4 faizi AfD-ni “demokratiya düşməni”, 80 faizi isə “irqçi” adlandırıb.