Hər hansı imtahanı keçirmək üçün bizə 100-150 nəfər işçi lazımdırsa, yəni eyni yerdə 100 nəfəri yığmaq mümkündürsə, demək, bu imtahan keçirilə bilər. Hazırda olan məlumata görə, mayın 4-dən biz karantin rejimindən tədricən çıxacağıq. Bizim əsas məqsədimiz indi sanitar-gigiyenik qaydalara riayət etməkdir. Həmçinin insanların sağlamlığını qorumalıyıq, nə imtahanda iştirak edənlərə, nə də imtahan prosesini təşkil edənlərə heç bir təhlükə yaratmamılıyq. Biz imtahanda sanitar gigiyenik təhlükəsizliyi mütləq təmin etməliyik.
AZƏRTAC xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə aprelin 21-də keçirdiyi onlayn mətbuat konfransında söyləyib.
