Avtobus marşrutlarında ödənişi bank kartları ilə etmək mümkün olacaq
İQTİSADİYYAT
16:14
13.10.2023
Baxılıb: 2999
Avtobus marşrutlarında ödənişi bank kartları ilə etmək mümkün olacaq

Naxçıvanda bütün marşrut xətlərində nağdsız ödəniş sisteminə keçiləcək. Bunu Azərbaycan Mərkəzi Bankının (AMB) Naxçıvan Muxtar Respublikası İdarəsinin sədri Elçin Əliyev media nümayəndələrinə bildirib. 

 

“Pilot layihə olaraq, Naxçıvan şəhərində bir avtobusda nağdsız ödəniş həyata keçirilir. Bir neçə banka təkliflər verməsi üçün müraciət edilmişdi. "Azər-Türk" Bank tərəfindən təqdim edilən layihə bəyənilib və tətbiqinə başlanılıb. 2 manata kart alınan zaman onun 1 manatı hesaba oturur. Lakin istənilən bank kartı, pensiya kartı, xarici bank kartı ilə də ödəniş edilə bilər” - Elçin Əliyev əlavə edib. 

 

Nağdsız ödənişlərin, həmçinin taksilərdə tətbiq edilməsi nəzərdə tutulub.

Digər xəbərlər