Mərkəzi Bank və XRİTDX arasında Anlaşma Memorandumu imzalanmışdır
İQTİSADİYYAT
10:05
27.10.2023
Baxılıb: 3451
Mərkəzi Bank və XRİTDX arasında Anlaşma Memorandumu imzalanmışdır

26 oktyabr 2023-cü il, Bakı: Azərbaycan Respublikası Mərkəzi Bankı ilə Xüsusi Rabitə və İnformasiya Təhlükəsizliyi Dövlət Xidməti (XRİTDX) arasında oktyabrın 26-da Anlaşma Memorandumu imzalanmışdır.

 

Anlaşma Memorandumu Mərkəzi Bank və XRİTDX arasında fəaliyyət istiqamətləri ilə əlaqədar maliyyə bazarları üzrə informasiya təhlükəsizliyi və kibertəhlükəsizlik sahəsində baş verən insidentlər, kiberhücumlar və digər məqsədyönlü hücum cəhdləri barədə məlumat mübadiləsi, eləcə də qabaqlayıcı tədbirlərin görülməsi məqsədini daşıyır.

 

Həmçinin Anlaşma Memorandumu çərçivəsində maliyyə bazarları üzrə sahəvi “CERT”in yaradılması (FinCERT) və akkreditasiya olunması ilə əlaqədər birgə fəaliyyətin təşkili nəzərdə tutulmuşdur.

 

Qeyd edək ki, Memorandum Heydər Əliyev ili çərçivəsində Azərbaycanda ilk dəfə keçirilən “CyberFest” kiberfestivalında imzalanmışdır.

Digər xəbərlər