Ermənistanın ərazi idarəetmə və infrastruktur naziri Qnel Sanosyan “Ermənistanın enerji sektorunun bu günü və gələcəyi” adlı konfransda jurnalistlərə bildirib ki, hazırda Ermənistan İrandan hər il 365 milyon kubmetr təbii qaz idxal edir. Nazir həmçinin qeyd edib ki, Ermənistan və İran arasındakı təbii qazla bağlı müqavilə bu yaxınlarda 2030-cu ilə qədər uzadılıb.
Nazir həmçinin gələcəkdə İrandan qaz ixracının arta biləcəyini də açıqlayıb və əlavə edib ki, İran və Ermənsitan arasındakı qaz nəql edən boru tam həcmi ilə çalışmır.
