Gürcüstan Rusiyadan qaz ixracını artırır
İQTİSADİYYAT
12:53
06.12.2023
Baxılıb: 3173
Gürcüstan Rusiyadan qaz ixracını artırır

Gürcüstanın baş nazirinin müavini, iqtisadiyyat və davamlı inkişaf naziri Levan Davitaşvili hökumətin iclasından sonra keçirilən brifinqdə bildirib ki, Gürcüstan Rusiyadan qaz  idxalını artırır. 

 

Davitaşvili Rusiyadan qaz idxalının artırılmasını iki səbəblə izah edib. Birinci səbəb ondan ibarətdir ki, Azərbaycandan alınan qaz daxili bazardakı tələbatı tam ödəmir.

 

İkinci səbəb kimi isə, nazir bildirib ki, Gürcüstan iqtisadiyyatındakı artım enerji resurslarına, o cümlədən təbii qaza tələbat artıb. Bu iki səbəbə görə, Gürcüstanın Rusiyadan qaz idxalı artıb. 

 

Nazir onu da qeyd edib ki, həm Rusiya həm də Azərbaycan Gürcüstana qazı daha sərfəli qiymətə verir. O həmçinin əlavə edib ki, Gürcüstan iqtisadiyyatının bir çox sahəsindəki canlanma gələcəkdə təbii qaza olan tələbatı daha da artıracaq.  

 

Gürcüstanın Milli Statistika Xidmətinin məlumatına görə, bu ilin 10 ayı ərzində Gürcüstan Rusiyadan  2022-ci ilin eyni dövrü ilə müqayisədə 2 dəfə çox, 101,6 milyon dollar həcmində qaz idxal edib.

Digər xəbərlər