2024-cü il yanvarın 1-dən Gürcüstanın “Tbilisi Energy” qazpaylayıcı şirkəti Tbilisidə kommersiya istehlakçıları üçün təbii qaz tarifini hər kubmetr üçün 1,24 lari əvəzinə ƏDV daxil olmaqla 1,29 lariyə qaldıracaq. Şirkət buna səbəb kimi, tədarükçü tərəfindən qazın qiymətinin artırılmasını göstərir.
Gürcüstanın baş nazirin müavini, iqtisadiyyat və davamlı inkişaf naziri Levan Davitaşvili hökumətin iclasından sonra keçirilən brifinqdə bildirib ki, qaz tariflərinin artırılması çörəkbişirmə müəssisələrinə təsir etməyəcək.
Nazir onu da əlavə edib ki, kommersiya sektoru üçün qaz tariflər adətən beynəlxalq qiymətlərdən asılı olur və xüsusi düsturla hesablanır. Bazar qiymətlərindən asılı olaraq, kommersiya sektoru üçün qaz tarifinə vaxtaşırı yenidən baxılır.
