Azərbaycan Dövlət Neft Şirkəti (SOCAR) noyabrın 4-7-də Birləşmiş Ərəb Əmirliklərində (BƏƏ) keçirilən beynəlxalq neft sərgisində və konfransında iştirak edir.
Bu barədə SOCAR “X” sosial şəbəkəsindəki hesabında məlumat verib.
“Əbu-Dabi Beynəlxalq Neft Sərgisi və Konfransı-ADIPEC 2024”də SOCAR öz stendi ilə təmsil olunur”, - paylaşımda qeyd olunub.
Xatırladaq ki, ADIPEC 2024 konfransında insanlara, planetə fayda verəcək ümumi iqtisadi transformasiyanın sürətləndirilməsində enerjinin rolu araşdırılacaq. Müxtəlif ölkələri təmsil edən 16 min 500-dən çox nümayəndənin qatıldığı konfransda 1600-dən çox spiker yer alıb. Konfrans çərçivəsində 350-dən çox sessiyanın keçirilməsi nəzərdə tutulub.
4-7 noyabr 2024-cü il tarixlərində Birləşmiş Ərəb Əmirliklərinin Əbu-Dabi şəhərində keçirilən “Əbu-Dabi Beynəlxalq Neft Sərgisi və Konfransı-ADIPEC 2024”-də #SOCAR öz stendi ilə təmsil olunur.#ADIPEC #EnergyTransition #Decarbonisation pic.twitter.com/VUl1ALieOl
— SOCAR (@SOCARofficial) November 5, 2024
