Türk Aerokosmik Sənayesi (TUSAŞ) ANKA-3-ün sursatla ilk uçuşunu tamamladığını açıqlayıb. TAİ sosial media hesabında ANKA 3-ün sursatla ilk uçuşunun görüntülərini paylaşıb.
TUSAŞ tərəfindən edilən yazıda aşağıdakı ifadələr yer aldı:
"ANKA III sursatla ilk uçuşunu etdi. Tam müstəqil Türkiyə yolunda gücümüzün və əzmimizin əsəri olan ANKA III bir-birinin ardınca əldə etdiyi uğurlarla həyəcan və qürur verir. Müdafiə sənayemiz sürətlə irəliləyir. Vətənimizin təhlükəsizliyi və müstəqilliyimizin yaşaması üçün yerli və milli texnologiyamızın gücü ilə gələcəyə iz qoymağa davam edirik”.
