İsrail ordusu son 24 saat ərzində Livandan ümumilikdə 140-a yaxın mərmi atıldığını qeydə alıb.

"Report"un məlumatına görə, bu barədə İsrail Ordusunun Mətbuat xidməti xəbər yayıb.

Bu, oktyabrın 22-də yerli vaxtla saat 23:00-a olan məlumatdır. Günün son saatı ərzində iri mərmi atışları qeydə alınmayıb.

Livanın cənubunda yerləşən “Hizbullah” hərəkatının silahlı birləşmələri atəşi davam etdirir. Oktyabrın 22-də səhər tezdən Livandan həmin istiqamətə beş raket atıldığı üçün Təl-Əviv və onun ətrafına hava hücumu xəbərdarlığı edilib və ordunun onların əksəriyyətinin ələ keçirildiyini bildirib. Bundan sonra, gün ərzində ölkənin şimal bölgələrində hər dəfə onlarla raketin iştirak etdiyi bir neçə güclü yaylım atəşləri qeydə alınıb.

Xatırladaq ki, 2023-cü il oktyabrın 7-də HƏMAS İsrailin nəzarətində olan ərazilərə hücum edib. Nəticədə aralarında qocalar, qadınlar, uşaqlar da olmaqla 200-dən çox insan girov götürülüb. Buna cavab olaraq İsrail ordusu Qəzzada hərbi əməliyyatlara başlayıb. Əvvəllər dəfələrlə Qəzzada atəşkəslə bağlı danışıqların dalana dirəndiyi barədə məlumatlar yayılıb. Eyni zamanda, ABŞ, Qətər və Misirin Qəzzada İsrail və HƏMAS üçün yeni atəşkəs təklifinin formalaşdırılması üzərində çalışdığı bildirilib. Lakin indiyədək bu səylər heç bir ciddi dəyişikliyə səbəb olmayıb.