Amerika Birləşmiş Ştatları 30 sentyabr 2024-cü ildə başa çatan maliyyə ilində hərbi kəşfiyyata 29,8 milyard dollar xərcləyib.

Bu barədə Pentaqon məlumat yayıb.

Qısa bəyanatda qeyd edilib ki, hərbi kəşfiyyat proqramının həyata keçirilməsi üçün büdcə 29,8 milyard dollar təşkil edib.

Müdafiə Nazirliyi vurğulayıb ki, bu proqramın təfərrüatları və ya onun maliyyələşdirilməsi ilə bağlı başqa heç bir məlumat verilməyəcək, çünki onlar milli təhlükəsizlik baxımından məxfi qalır.

Ötən il ABŞ hərbi kəşfiyyata 27,9 milyard dollar, 2022-ci ildə 24,1 milyard dollar, 2021-ci ildə isə 23,3 milyard dollar xərcləyib.