Ukraynanın Prezidenti Vladimir Zelenski hazırkı müdafiə naziri Reznikovu əvəzləmək qərarına gəldiyini açıqlayıb. Onun sözlərinə görə Reznikovu Rustem Umerov əvəz edəcək. Yeni nazirin təyinatı Rada tərəfindən təsdiqlənməlidir. Bununla bağlı Zelenski bildirib ki, Ukrayna Ali Radası bu şəxsi yaxşı tanıyır və Umerovun əlavə təqdimata ehtiyacı yoxdur. Zelenski həmçinin Parlamentin bu namizədliyi dəstəkləyəcəyini gözlədiyini də açıqlayıb. Təyinatın hansı səbəbdən baş verməsi ilə bağlı Zelenski bildirib ki, dəyişikliyə əsas səbəb odur ki, müharibə 500 gündən çoxdur davam edir, bu səbəbdən orduda yeni yanaşmalara ehtiyac var.