Rəsmi Budapeşt Brüsseldən tələb edir ki, yaxın aylarda Gürcüstana Aİ üzvlüyünə namizəd dövlət statusu versin. Bu barədə dünən Macarıstanın xarici işlər naziri Peter Siyarto Tbilisiyə səfəri zamanı bildirib.
Macarıstanın Xarici işlər naziri mətbuata açıqlamasında bildirib ki, görüşdə gürcü həmkarımla Gürcüstana Aİ üzvlüyünə namizəd dövlət statusunun verilməsi məsələsini müzakirə etdik. Hesab edirik ki, Gürcüstanın da Ukrayna və Moldova kimi status almaq hüququ var. Bu səbəbdən bizim yanaşmamız odur ki, Gürcüstan artıq bu ilin payızında namizəd dövlət statusunu almalıdır.Gürcüstan belə status almaq üçün hər şeyi edib.
