Priqojinin Vagneri terrorçu təşkilat elan edilə bilər
SİYASƏT
14:28
06.09.2023
Baxılıb: 2615
Priqojinin Vagneri terrorçu təşkilat elan edilə bilər

Böyük Britaniya hökuməti Rusiyanın muzdlu qruplaşması olan Vaqneri,  terror qruplaşması kimi qadağan etməyə hazırlaşır. Yəni təşkilata üzv olmaq və ya ona dəstək olmaq qeyri-qanuni sayılacaq.

Parlamentə təqdim ediləcək sərəncam layihəsi Vaqnerin Böyük Britaniyada olan aktivlərinin terrorçu mülkiyyət kateqoriyasına salınmasına və müsadirə edilməsinə imkan verəcək.

Daxili işlər naziri Vaqnerin Vladimir Putinin zorakı və dağıdıcı hərbi aləti olduğunu deyib.

Nazir həmçinin, Ukrayna və Afrikadakı fəaliyyətinin "qlobal təhlükəsizliyə təhdid" olduğunu söyləyib və əlavə edib ki, Vaqnerin sabitliyi pozan fəaliyyəti yalnız Kremlin siyasi məqsədlərinə xidmət etməkdə davam edir.

Qeyd etmək lazımdır ki, Vaqner Rusiyanın Ukraynaya hücumunda, həmçinin Suriyada, Liviya və Mali də daxil olmaqla Afrika ölkələrində fəaliyyətində mühüm rol oynayıb.

Vaqner döyüşçüləri bir sıra cinayətlərdə, o cümlədən Ukrayna vətəndaşlarını öldürməkdə və işgəncə verməkdə ittiham olunurlar.

Digər xəbərlər