Braziliya prezidenti Luiz İnasio Lula da Silva bəyan edib ki, Vladimir Putin 2024-cü ildə Brazilyada keçiriləcək G20 sammitində şəxsən iştirak etmək qərarına gəlsə, o həbs edilməyəcək. O, Rusiya prezidentini Rio-de-Janeyroda keçiriləcək G20-nin növbəti görüşünə dəvət etdiyini və onun təhlükəsizliyinə zəmanət verdiyini bəyan edib.
Xatırladaq ki, Putin bu il Cənubi Afrikanın Paytaxtında keçirilən BRİCS tədbirinə və Dehlidə keçirilən G20 sammitində iştirak etməyib.Putinin əvəzinə Rusiyanı xarici işlər naziri Sergey Lavrov bu tədbirlərdə iştirak edib. Putin, Beynəlxalq Cinayət Məhkəməsinin onun haqqında çıxardığı həbs qərarından sonra xarici ölkələrə səfərdən yayınır.
