Baş Nazir vəzifədən sui-istifadədə ittiham olunur
16:12
10.09.2023
Baxılıb: 4112
Baş Nazir vəzifədən sui-istifadədə ittiham olunur

Gürcüstanın Baş Naziri İrakli Qaribaşvili ilə bağlı söz-söhbət səngimək bilmir. Belə ki, müxalifət iddia edir ki, Qaribaşvili ötən ay, dövlətə məxsus təyyarədən öz şəxsi məqsədləri üçün istifadə edərək, ailə üzvləri ilə birgə ABŞ-a səfər etmişdir. Bu iddialarla bağlı rəsmi açıqlama verən qurumlar bildirirlər ki, iddialar əsassızdır. 

 Gürcüstanın Dövlət Mühafizəsi Xüsusi Xidmətinin rəhbəri Anzor Çubinidzenin sözlərinə görə, baş nazir Qaribaşvilinin ABŞ-a səfəri kommersiya xarakterli olub və buna görə də xərclər büdcə vəsaiti hesabına ödənilməyib.

Çubinidze bildirib ki, təyyarə Dövlət Təhlükəsizliyi Agentliyinin balansındadır. Bu agentlik dövlət və büdcə strukturlarından, habelə qeyri-dövlət, kommersiya və fərdi şəxslərdən müxtəlif formalarda gəlir əldə etmək hüququna malikdir. Bu səfər, qeyd edildiyi kimi, kommersiya xarakteri daşıyırdı və təbii ki, buna görə ödəniş büdcədənkənar təşkilat və ya fərdi şəxs tərəfindən ödəniləcək. 

 

Digər xəbərlər