Putini Ermənistana həsrət qoyacaq sənədin ratifikasiyasına hazırlıq gedir
SİYASƏT
17:49
26.09.2023
Baxılıb: 2949
Putini Ermənistana həsrət qoyacaq sənədin ratifikasiyasına hazırlıq gedir

Ermənistan Parlamentinin dövlət hüquq komissiyası sentyabrın 28-də Ermənistanın Roma Statutuna qoşulması məsələsini müzakirə edəcək. Komissiyanın müsbət rəyindən sonra ratifikasiya məsələsi Milli Məclisin plenar iclasında müzakirəyə çıxarılacaq.

İrəvan ən yüksək səviyyədə, baş nazir səviyyəsində Roma Statutunu ratifikasiya etmək niyyətində olduğunu bəyan edib.

Nikol Paşinyan sentyabrın 24-də çıxışında bəyan edib ki, Roma Əsasnaməsinə qoşulmaq “xarici təhlükəsizliyin təmin edilməsində Beynəlxalq Cinayət Məhkəməsinin imkanlarından istifadə etmək imkanı verəcək.

Nikol Paşinyan bildirir ki, bu qərarı verməyə onu, KTMT-nin Ermənistana çətin vaxta kömək etməməsi vadar edib. O bildirib ki, Ermənistan-Rusiya strateji tərəfdaşlıq alətləri Ermənistanın xarici təhlükəsizliyini təmin etmək üçün yetərli deyil.

Ermənistan 1998-ci ildə Roma Statutunu imzalasa da, hələ də ratifikasiya etməyib. Qeyd etmək lazımdır ki, bir müddət öncə Beynəlxalq Cinayət Məhkəməsi Rusiya Prezidenti Vladimir Putinin həbsinə qərar verib. Ermənistan bu statunu ratifikasiya etsə, Putinin Ermənistana səfəri zamanı onu həbs etməlidir. 

Digər xəbərlər