Rusiyanın xarici işlər naziri Sergey Lavrov Soçidə separatçı Abxaziya və Cənubi Osetiyanın liderləri Aslan Bjaniya və Alan Qaqloyevlə görüşüb.
Bjaniya ilə görüşdə Lavrov Abxaziyanın müstəqilliyini tanıyan ölkələrin sayının artırılması üçün çalışacağına söz verib.
Moskva 2008-ci ildə baş verən Rusiya-Gürcüstan müharibəsindən sonra Gürcüstandan ayrılan bu iki ərazinin müstəqilliyini tanıyıb.
Cənubi Osetiya lideri ilə görüşdə Alan Qaqloyev Rusiya rəhbərliyini əmin edib ki, Cənubi Osetiya qardaş və böyük Rusiya üçün etibarlı tərəfdaş olaraq qalır.
Azərbaycan nə Cənubi Osetiyanın nə də Abxaziyanın müstəqilliyini tanımır.
