Bu barədə danışan Ədalət və İnkişaf Partiyasının (AKP) sözçüsü Ömər Çelik bildirib ki, Avropa liderlərinin Türkiyə Prezidenti Rəcəb Tayyib Ərdoğanın beşli formatda görüşə qatılmasına etirazları qəbuledilməzdir.
O vurğulayıb ki, Fransanın uzun müddət Ermənistanı müdafiə etməsinə baxmayaraq beştərəfli görüşdə iştirak etməsi və Türkiyənin iştirak etməməsi yolverilməzdir. Azərbaycan Prezidenti də bununla bağlı mövqeyini ortaya qoyub.
Çelik əlavə edib ki, Fransa hələ də Ermənistanın işğalçı olduğunu demir: “Azərbaycan isə öz işini çoxdan həll edib. Artıq Qarabağ məsələsi həllini tapıb”.
Qey edək ki, Azərbaycan Qranadadakı görüşdən Türkiyənin işitirak etməməsinə və Fransanın nümayiş etdirdiyi ermənipərəst mövqeyinə görə imtina edib.
