Türkiyə XİN-in bəyanatında qeyd edilir ki, Avropa Parlamentinin “Azərbaycanın hücumundan sonra Qarabağda vəziyyət və Azərbaycanın Ermənistana qarşı davam edən təhdidləri” adlı məcburi qüvvəyə malik olmayan qətnamə məsuliyyətsizliyin, qərəzliliyin və cəhalətin nümunəsidir.
Eyni zamanda bəyanatda vurğulanır ki, illərdir Türkiyəyə qarşı əsassız ittiham və iddialarla dolu qərarlar verən bir qrup populist və ayrı-seçkilikçi deputatın ölkəmizi hədəf alan ritorikasına əsaslanan bu qərarı qınayırıq.
Populizm, irqçilik, islamafobiya, multikulturalizmin və antiinteqrasiyanın getdikcə gücləndiyi Avropa siyasəti indiki tərkibi ilə Avropa Parlamentində bütün ifratları ilə özünü ifşa edir. Avropa İttifaqının gələcəyi üçün arzumuz ondan ibarətdir ki, səlahiyyət müddəti tezliklə başa çatacaq hazırkı Avropa Parlamentinin Avropa İttifaqının fundamental dəyərlərinə sadiq olan konstruktiv, əhatəli və həssas nümayəndələrdən ibarət yeni tərkibdə olsun.
