İsrail və Fələstin arasında qanlı toqquşmaların davam etdiyi bir vaxtda, Türkiyə maraqlı təkliflə çıxış edib. Türkiyə xarici işlər Naziri Hakan Fidan bildirib ki, sülh razılaşması əldə olunarsa, Türkiyə Fələstin üçün qarant ölkə kimi çıxış etməyə hazırdır. 

O həmçinin bildirib ki, başqa ölkələr də İsrail üçün qarant olmalıdır. Hər iki tərəfə uyğun olan razılaşma əldə edildikdən sonra qarant ölkələr tələbləri yerinə yetirmək üçün məsuliyyət daşımalıdırlar. Yalnız bu yolla davamlı sülh əldə edilə bilər.

Qeyd etmək lazımdır ki, 7 oktyabrdan bəri davam edən toqquşmalarda ölənlərin sayı 4 min nəfəri ötüb.