Ukrayna prezidenti Vladimir Zelenski bəyan edib ki, Ukrayna ilk dəfə ABŞ-ın verdiyi uzaqmənzilli raketlərdən istifadə edib. "Onlar çox dəqiq çıxış etdilər. ATACMS özlərini sübut etdi" deyən Zelenski sosial şəbəkələrdə yayımlanan axşam müraciətində onların nə vaxt və harada istifadə edildiyi barədə məlumat verməyib.
ATACMS kimi tanınan silahların ölkənin şərqindəki Rusiya bazalarında doqquz helikopteri məhv etdiyi bildirilir. Ukrayna, Berdyansk və Luqanskda vurulan hədəflər arasında hava hücumundan müdafiə sistemi və digər avadanlıqların olduğunu bildirib.
