Avropa İttifaqı ölkələrinin xarici işlər nazirləri oktyabrın 23-də Lüksemburqda keçirilən görüşdə Ukraynaya növbəti 500 milyon avro yardımın verilməsi ilə bağlı razılığa gələ bilməyiblər.
Buna səbəb kimi, Macarıstanın məsələyə blok qoyması göstərilir. Macarıstan tərəfi ölkənin ən böyük banklarından biri olan OTP-nin Ukraynaya qarşı “müharibə sponsorları” siyahısından çıxarılmasına dair təminat tələb edib. Onlar həmçinin Rusiya bazarında fəaliyyətini davam etdirən beynəlxalq şirkətlərin də, qara siyahıdan çıxarılmasını tələb ediblər.
Ukraynaya 500 milyon avroluq yardım paketi əgər baş tutarsa bu, Avropa Sülh Fondu tərəfindən köçürüləcək sayca səkkizinci köçürmə olacaq.
