Ermənistan Respublikasının baş naziri Nikol Paşinyan Wall Street Jurnalına verdiyi müsahibədə bildirib ki, Ermənistan hakimiyyəti ölkədə Rusiya hərbi bazasının mövcudluğunu saxlamaqda heç bir üstünlük görmür. 

Paşinyanın sözlərinə görə, rəsmi İrəvan hazırda yeni tərəfdaşlar axtarır, çünki Moskva müttəfiqlik öhdəliklərini yerinə yetirməyib.

Paşinyan qeyd edib ki, bu məsələ xüsusilə Azərbaycanın Qarabağda ötən ay həyata keçirdiyi əməliyyatlardan sonra özünü aydın şəkildə büruzə verib.

Paşinyan onu da əlavə edib ki, bütün bu hadisələrdən sonra biz təhülkəsizliyimizi bir ölkəyə əmanət edə bilmərik, yeni tərəfdaşlar tapmaq lazımdır.