Gürcüstanda fəaliyyət göstərən IDFI təşkilatının hesabatına görə, 2018-2022-ci illər ərzində Gürcüstan vətəndaşlığı almaq üçün 20 mindən çox şəxs baş vurub. Bu müraciətlərdən 13644-ə müsbət cavab, 7360 nəfərə isə mənfi cavab verilib.
Vətəndaşlıq alan 13644 nəfərdən, 5111-i Gürcüstan vətəndaşlığını bərpa edib. Yerdə qalan 8464 nəfərə qanunvericiliyin müəyyən etdiyi əsaslarla vətəndaşlıq verilib.
Bu 8464 nəfərin 72 faizi, yəni 6075-i Rusiya vətəndaşı olub. Bundan əlavə 428 Ukrayna vətəndaşı, 404 Ermənistan vətəndaşı və 330 ABŞ vətəndaşı Gürcüstan vətəndaşlığını alıblar.
