Ermənistan və Rusiya arasındakı gərginlik indi də yeni bir fazaya keçir. Belə ki, Zəngəzur dəhlizinin açılması və ona kimin nəzarət etməsi məsələsi iki ölkə arasında daha bir gərginliyə səbəb olub.

Belə ki, ilk öncə Ermənistan bəyan etdi ki, bu yaxınlarda Ermənistan Milli Təhlükəsizlik Xidmətində xüsusi bölmə yaradılıb, bu bölmənin vəzifəsi rabitə vasitələrinin, habelə malların, yüklərin, nəqliyyat vasitələrinin keçidinin təhlükəsizliyini  təmin etməkdir. 

Bu bəyanatdan sonra Rusiya tərəfi bəyan etdi ki, belə bir dəhlizin təhlükəsizliyi Rusiya tərəfindən qorunmalıdır. Buna əsas kimi də, 9 noyabr 2020-ci ildə imzalanan üçtərəfli bəyanatı əsas gətirir. 

Bu gün isə, Ermənistan Xarici İşlər Nazirliyinin sözçüsü Ani Badalyan Moskvanın bəyanatına cavab verib və vurğulayıb ki, əgər regional kommunikasiyalar açılsa, Ermənistan öz dövlət qurumları vasitəsilə sərhəd və gömrük nəzarətini həyata keçirməlidir.