Latviya parlamentinin keçmiş deputatı və daxili işlər naziri Yanis Adamsons Rusiya adına casusluq ittihamı ilə Riqa məhkəməsi tərəfindən 8,5 il müddətinə azadlıqdan məhrum edilib.
Məhkəmə müəyyən edib ki, Adamsons keçmiş DTK zabiti Gennadi Silonovla birlikdə qəsdən məxfi məlumatlar toplayıb və Rusiya Federal Təhlükəsizlik Xidmətinə ötürüb. Məlumatların Latviyanın dövlət strukturlarına, hüquq-mühafizə orqanlarına, dövlət təhlükəsizlik orqanlarına və müdafiə sisteminə aid olduğu deyilir.
Adamsons 2021-ci ilin yayında həbs edilib və dekabrda Latviya Seymi ona qarşı cinayət işinin başlanmasına icazə verib, deputat toxunulmazlığından məhrum edib.
